ನ್ಯೂಸ್‌ ನಾಟೌಟ್‌ :ಸುಳ್ಯದ ಜಯನಗರದಲ್ಲಿರುವ ಕೊರಂಬಡ್ಕ ಶ್ರೀ ನಾಗಬ್ರಹ್ಮ ಆದಿ ಮೊಗೇರ್ಕಳ ದೈವಸ್ಥಾನ,ಗುಳಿಗ ದೈವ, ಸ್ವಾಮಿ ಕೊರಗಜ್ಜ ದೈವಸ್ಥಾನ ವ್ಯವಸ್ಥಾಪನ ಆಡಳಿತ ಕಾರ್ಯ ಸೇವಾ ಸಮಿತಿ ಟ್ರಸ್ಟ್ (ರಿ ) ಇದರ 2024-25ನೇ ಸಾಲಿನ ಆಡಳಿತ ಸಮಿತಿ ಹಾಗೂ ಕಾಲಾವಧಿ ನೇಮೋತ್ಸವ ಸಮಿತಿ ರಚನೆ ಸಭೆ ಇಂದು ನಡೆಯಿತು. ಈ ಹಿನ್ನಲೆಯಲ್ಲಿ ಆಡಳಿತ ಸಮಿತಿಯ ಅಧ್ಯಕ್ಷರಾಗಿ ಕೇಶವ ಸಿ.ಎ ಅವರು ಆಯ್ಕೆಯಾಗಿದ್ದು,ಉಪಾಧ್ಯಕ್ಷರಾಗಿ ಸುರೇಶ್ ನಾರಾಜೆಯವರು ಆಯ್ಕೆಯಾಗಿದ್ದಾರೆ.
ಇನ್ನು ಕಾರ್ಯದರ್ಶಿಯಾಗಿ ಸುಂದರ ಕುದ್ಪಾಜೆ ,ಸಂಚಾಲಕರಾಗಿ ಜಗನಾಥ. ಜಿ ಹಾಗೂ ಉಪಕಾರ್ಯದರ್ಶಿಯಾಗಿ ಶಶಿಕುಮಾರ್ ಕುದ್ಪಾಜೆ ಅವರು ಸಮಿತಿಯಲ್ಲಿ ಇರಲಿದ್ದಾರೆ.ಇತ್ತ 2024-25 ನೇ ಸಾಲಿನ ಕಾಲಾವಧಿ ನೇಮೋತ್ಸವ ಸಮಿತಿ ರಚನೆಯಾಗಿದ್ದು,ಅಧ್ಯಕ್ಷರಾಗಿ ರಮೇಶ್ ಇರಂತ ಮಜಲು ಆಯ್ಕೆಯಾಗಿದ್ದಾರೆ.ಕಾರ್ಯದರ್ಶಿಯಾಗಿ ಕೃಷ್ಣ ನಾಯ್ಕ ಕುದ್ಪಾಜೆ ,ಉಪಾಧ್ಯಕ್ಷರಾಗಿ ಮಮತಾ ಜಯನಗರ ಹಾಗೂ ಕೋಶಾಧಿಕಾರಿಯಾಗಿ ದಿನೇಶ್ ನಾರಾಜೆ ಆಯ್ಕೆಗೊಂಡಿದ್ದಾರೆ.
ಕಾಲಾವಧಿ ನೇಮೋತ್ಸವ ಪ್ರಯುಕ್ತ ಮಾರ್ಚ್ 30 ರಂದು ಬೆಳಗ್ಗೆ 7 ಗಂಟೆಗೆ ಶನಿವಾರ ಗೊನೆ ಕಡಿಯುವುವ ಕಾರ್ಯಕ್ರಮ ಇರಲಿದೆ.6-04-2024 ರಂದು ಗುಳಿಗ ದೈವ, ಮೊಗೇರ್ಕಳ ದೈವ, ತನ್ನಿ ಮಾಣಿಗ ದೈವದ ನೇಮೋತ್ಸವ ಮತ್ತು 7- 04-2024 ರಂದು ಸ್ವಾಮಿ ಕೊರಗಜ್ಜ ದೈವದ ನೇಮೋತ್ಸವ ಹಾಗೂ ಪ್ರಸಾದ ವಿತರಣೆ ಮತ್ತು ಅನ್ನ ಸಂತರ್ಪಣೆ ಇರಲಿದೆ.
ಸಭೆಯಲ್ಲಿ ಆಡಳಿತ ಸಮಿತಿ ಹಾಗೂ ಕಾಲಾವಧಿ ನೇಮೋತ್ಸವ ಸಮಿತಿ ಅಧ್ಯಕ್ಷರು,ಉಪಾಧ್ಯಕ್ಷರು, ಕಾರ್ಯದರ್ಶಿಗಳು ಸೇರಿದಂತೆ ಸರ್ವ ಸದಸ್ಯರು ಉಪಸ್ಥಿತರಿದ್ದರು.ಇದೇ ಸಂದರ್ಭ ಏಪ್ರಿಲ್ 6 ಮತ್ತು 7 ರಂದು ನಡೆಯುವ ನೇಮೋತ್ಸವದಲ್ಲಿ ಭಕ್ತಾದಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ದೈವಗಳ ಕೃಪೆಗೆ ಪಾತ್ರರಾಗುವಂತೆ ಉತ್ಸವ ಸಮಿತಿ ಸದಸ್ಯರುಗಳು ವಿನಂತಿಸಿದ್ದಾರೆ.
