ನ್ಯೂಸ್ ನಾಟೌಟ್: ಬಹು ದಿನಗಳಿಂದ ಅನಾರೋಗ್ಯದಿಂದ ನರಳುತ್ತಿದ್ದ ಸಂಪಾಜೆಯ ಹರಿಶ್ಚಂದ್ರ ರೈ ಬುಧವಾರ ಸಂಜೆ ನಿಧನರಾಗಿದ್ದಾರೆ.
ಸುಳ್ಯ ತಾಲೂಕಿನ ಸಂಪಾಜೆಯ ಕೈಪಡ್ಕದ ನಿವಾಸಿ ಮೋನಪ್ಪ ರೈ ಹಾಗೂ ಸರಸ್ವತಿ ದಂಪತಿಯ ಹಿರಿಯ ಪುತ್ರರಾಗಿದ್ದಾರೆ. ಕಳೆದ ಕೆಲವು ತಿಂಗಳಿನಿಂದ ತೀವ್ರ ಅನಾರೋಗ್ಯಕ್ಕೀಡಾಗಿ ಮಂಗಳೂರಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಸಂಪಾಜೆಯ ನಿವಾಸದಲ್ಲಿ ಚೇತರಿಸಿಕೊಳ್ಳುತ್ತಿದ್ದರು. ಆದರೆ ಒಂದು ವಾರದಿಂದ ಅವರ ಆರೋಗ್ಯದಲ್ಲಿ ವಿಪರೀತ ಏರುಪೇರು ಸಂಭವಿಸಿ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ. ಮೃತರು ಪತ್ನಿ ಶಾಂತಾ ಮಕ್ಕಳಾದ ದಿವ್ಯಶ್ರೀ, ದೀಕ್ಷಿತ್ , ದೀಪಕ್ ರೈ, ತಂದೆ ಮೋನಪ್ಪ ರೈ, ತಾಯಿ ಸರಸ್ವತಿ, ಸಹೋದರ ಪ್ರಭಾಕರ, ಸಹೋದರಿ ಶೀಲಾವತಿ ರೈ ಸೇರಿದಂತೆ ಬಂಧು ಮಿತ್ರರನ್ನು ಅಗಲಿದ್ದಾರೆ.
