ನ್ಯೂಸ್ ನಾಟೌಟ್: ಕುಕ್ಕುಜಡ್ಕದ ಅಂಗಡಿಯೊಂದರ ಬಳಿ ಇದೀಗ (ರಾತ್ರಿ 8.45ಕ್ಕೆ) ಬೃಹತ್ ಹೆಬ್ಬಾವೊಂದು ಕಾಣಿಸಿಕೊಂಡಿದೆ.
ಅಂಗಡಿ ಎದುರಲ್ಲಿಯೇ ಹೆಬ್ಬಾವು ಕಾಣಿಸಿಕೊಂಡಿದ್ದರಿಂದ ಸಹಜವಾಗಿಯೇ ಒಮ್ಮೆಗೆ ಅಲ್ಲಿದ್ದವರು ಭಯ ಪಟ್ಟಿದ್ದಾರೆ. ಇದು ಹೆಬ್ಬಾವು ಎಂದು ಗೊತ್ತಾದ ಬಳಿಕ ತಕ್ಷಣ ಸ್ಥಳೀಯರಾದ ಚಂದ್ರಶೇಖರ ಉಡುಪಿ, ರವಿ ಬೊಳ್ಕೊಡಿ ನೆರವಿನಿಂದ ಅದನ್ನು ಸೆರೆ ಹಿಡಿಯಲಾಯಿತು. ಬಳಿಕ ಕರ್ಣಾಕರ ಕುಕ್ಕುಜಡ್ಕ ಅವರ ಜೀಪಿನಲ್ಲಿ ತೆಗೆದುಕೊಂಡು ಹೋಗಿ 13 ಕಿ.ಮೀ ದೂರದ ರಕ್ಷಿತಾರಣ್ಯದಲ್ಲಿ ಸುರಕ್ಷಿತವಾಗಿ ಬಿಡಲಾಗಿದೆ.
