ನ್ಯೂಸ್ ನಾಟೌಟ್: ಪೆರಾಜೆ ಬಳಿ ಇರುವ ಕಲ್ಚರ್ಪೆ ಕಸದ ರಾಶಿ ಮಳೆಗಾಲದಲ್ಲಿ ಪ್ರತಿ ವರ್ಷವೂ ಸದ್ದಾಗುತ್ತದೆ. ಸುತ್ತಮುತ್ತಲಿನ ಜನ ಗಬ್ಬುವಾಸನೆ ಜೊತೆ ಜೀವನ ನಡೆಸಬೇಕಿದೆ. ಇಲ್ಲಿ ಮೂವತ್ತಕ್ಕೂ ಹೆಚ್ಚಿನ ಮನೆಗಳಿದ್ದು ಅವರೆಲ್ಲೂ ಅಕ್ಷರಶಃ ನರಕ ಅನುಭವಿಸುವಂತಾಗಿದೆ. ಈ ನಡುವೆ ಇದೀಗ ಅಲ್ಲಿನ ಕಸದ ರಾಶಿ ಮಳೆಯ ನೀರಿನ ಜೊತೆ ಪಯಸ್ವಿನಿ ನದಿ ನೀರು ಸೇರುವ ಆತಂಕವಿದೆ. ಈ ಹಿನ್ನೆಲೆಯಲ್ಲಿ ಸ್ವತಃ ನಗರ ಪಂಚಾಯತ್ ವತಿಯಿಂದ ಕಸ ನದಿ ನೀರು ಸೇರುವುದನ್ನು ತಪ್ಪಿಸಲು ಹಿಟಾಚಿ ಬಳಸಿ ಕಾರ್ಯಾಚರಣೆ ನಡೆಸಿದೆ.
ಈ ಬೆನ್ನಲ್ಲೇ ಸುಳ್ಯ ನಗರ ಪಂಚಾಯತ್ ವಾಟ್ಸಾಪ್ ಗ್ರೂಪ್ ನಲ್ಲಿ ನಗರ ಪಂಚಾಯತ್ ಮಾಜಿ ಅಧ್ಯಕ್ಷ ವಿನಯ್ ಕುಮಾರ್ ಕಂದಡ್ಕ ತೀವ್ರ ಬೇಸರ ವ್ಯಕ್ತಪಡಿಸಿದ್ದಾರೆ. ಎರಡು ಫೋಟೋಗಳನ್ನು ಅಪ್ ಲೋಡ್ ಮಾಡಿರುವ ಅವರು ‘ಕಲ್ಚರ್ಪೆಯಲ್ಲಿ ಮಳೆ ನೀರಿಗೆ ಸಿಲುಕಿ ಹರಿದು ಹೋಗಿ ಪಯಸ್ವಿನಿ ನದಿ ಸೇರಬಹುದಾದ ಕಸವನ್ನು ತೆರವುಗೊಳಿಸುವ ಕಾರ್ಯ ನಡೆಯುತ್ತಿದೆ. ಇಂತಹ ಕೆಲಸ ಮಾಡಿಸಲು ಗಮನಿಸಲು ಆರೋಗ್ಯ ಶಾಖೆಗೆ ಸಮಯವಿಲ್ಲ. ಅಧಿಕಾರಿಗಳಿಗೆ ಊರವರು ಮನವಿ ಕೊಟ್ಟು ಪ್ರಯೋಜನವಿಲ್ಲ. ಗುತ್ತಿಗೆದಾರರಿಗೆ ಹಿಟಾಚಿ ಸಿಗೋದಿಲ್ಲ. ಊರಿನ ಆರೋಗ್ಯ ಸುರಕ್ಷತೆಗೆ ನಗರ ಪಂಚಾಯತ್ ನ ಮರ್ಯಾದೆ ಹರಾಜಾಗೋದನ್ನು ತಡೆಯಲು ನಾವೇ ನಿಂತು ಕೆಲಸ ಮಾಡಬೇಕಿದೆ ಎಂದು ಬರೆದುಕೊಂಡಿದ್ದಾರೆ.
ಇಂತಹ ಬೇಸರವನ್ನು ಹೊರಹಾಕಿರುವ ವಿನಯ್ ಕುಮಾರ್ ವ್ಯವಸ್ಥೆಯ ಮೇಲಿನ ತಮ್ಮ ಅಸಮಾಧಾನವನ್ನು ಬಹಿರಂಗವಾಗಿ ಹೊರಹಾಕಿದ್ದಾರೆ. ಈ ವಿಚಾರ ಚರ್ಚೆಗೆ ಕಾರಣವಾಗಿದೆ.
Click 👇
