ನ್ಯೂಸ್ ನಾಟೌಟ್ : ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ವಿಪರೀತ ಮಳೆಯಾಗುತ್ತಿದ್ದು, ಹರಿಹರ ಕೃಷಿ ಪತ್ತಿನ ಸಹಕಾರಿ ಸಂಘದ ಸೊಸೈಟಿಯ ಸಮೀಪದಲ್ಲಿ ಸೋಮವಾರ ಸಂಜೆ ಬರೆ ಕುಸಿದಿದೆ. ಇದರಿಂದ ಸಹಕಾರಿ ಸಂಘದ ಕಟ್ಟಡಕ್ಕೂ ಅಪಾಯ ಎದುರಾಗಿದೆ.
ಸ್ಥಳೀಯ ನಿವಾಸಿ ಕಿಶೋರ್ ಎಂಬವರ ಜಾಗದ ಪಕ್ಕದಲ್ಲಿ ಬರೆ ಕುಸಿದಿದೆ. ಇವರ ಜಾಗದ ಸಮೀಪದಲ್ಲಿರುವ ಕೃಷಿ ಪತ್ತಿನ ಸಹಕಾರಿ ಸಂಘದ ಸೊಸೈಟಿ ಅಪಾಯದಲ್ಲಿದೆ. ಸದ್ಯ ಸಾರ್ವಜನಿಕರು ಮತ್ತು ಸಿಬ್ಬಂದಿ ವರ್ಗದವರು ಸೇರಿ ಕುಸಿತಗೊಂಡ ಜಾಗಕ್ಕೆ ಟರ್ಪಾಲ್ ಹೊದಿಸಿ ನೀರು ಬೀಳದಂತೆ ಮಾಡಿದ್ದಾರೆ.
