ನ್ಯೂಸ್ ನಾಟೌಟ್: ಪ್ರಧಾನಿ ನರೇಂದ್ರ ಮೋದಿಯವರ ಹಿರಿಯ ಸಹೋದರ ಸೋಮಾಭಾಯಿ ಮೋದಿ ಮತದಾನದ ಬಳಿಕ ತಮ್ಮ ತಾಯಿ ದಿವಂಗತ ಹೀರಾಬೆನ್ ರನ್ನು ಸ್ಮರಿಸಿ ಭಾವುಕರಾದರು. ಈ ವೇಳೆ, ನನ್ನ ತಾಯಿ ಈಗ ಇಲ್ಲ, ಆದರೆ ಅವರು ನರೇಂದ್ರಭಾಯಿ ಅವರಿಗೆ ಸ್ವರ್ಗದಿಂದಲೇ ಆಶೀರ್ವಾದ ಮಾಡುತ್ತಿರಬಹುದು ಎಂದರು.
ಸೋಮಾಭಾಯಿ ಮೋದಿ ರಾನಿಪ್‍ ನ ಮತಗಟ್ಟೆಯ ಹೊರಗೆ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿಯಾದರು. ಇಬ್ಬರೂ ಪರಸ್ಪರ ಯೋಗಕ್ಷೇಮ ವಿಚಾರಿಸಿಕೊಂಡರು. ಬಳಿಕ ಸೋಮಾಭಾಯಿಯವರು ಮಾಧ್ಯಮಗಳ ಜೊತೆ ಮಾತನಾಡುತ್ತಾ, ತಮ್ಮ ತಾಯಿಯನ್ನು ನೆನೆದು ಭಾವುಕರಾದರು. ಮೋದಿಯವರು ಹಿಂದೆ ಮತದಾನಕ್ಕೂ ಮುನ್ನ ಗುಜರಾತ್‍ ನ ಗಾಂಧಿನಗರದಲ್ಲಿರುವ ನಿವಾಸದಲ್ಲಿ ತಮ್ಮ ತಾಯಿಯನ್ನು ಭೇಟಿಯಾಗುತ್ತಿದ್ದರು. ತಾಯಿಯವರ ಆಶೀರ್ವಾದ ಪಡೆದು ಮತ ಚಲಾಯಿಸುತ್ತಿದ್ದರು. ದೇಶದ ಜನ ನನ್ನ ಸಹೋದರ ಮೂರನೇ ಬಾರಿಗೆ ಪ್ರಧಾನಿಯಾಗಬೇಕು ಎಂದು ಬಯಸುತ್ತಾರೆ. ಅವರಂತೆ ನಾನು ಸಹ ಮೋದಿ ಮತ್ತೊಮ್ಮೆ ಪ್ರಧಾನಿಯಾಗಲಿ ಎಂದು ಬಯಸುತ್ತೇನೆ ಎಂದರು.
