ನ್ಯೂಸ್ ನಾಟೌಟ್: ಕೊಲೆಗಳು ಎಲ್ಲ ಕಾಲದಲ್ಲೂ ನಡೆದಿವೆ. ಹಾಗಂತ ಕಾನೂನನ್ನು ನಾವು ಲಘುವಾಗಿ ತೆಗೆದುಕೊಂಡಿಲ್ಲ, ಅತ್ಯಂತ ಗಂಭೀರವಾಗಿ ತೆಗೆದುಕೊಂಡಿದ್ದೇವೆ. ನೇಹಾ ಹಂತಕನನ್ನು ಬಂಧಿಸಿದ್ದೇವೆ, ಕಾನೂನು ಪ್ರಕಾರ ಶಿಕ್ಷೆಯನ್ನೂ ನೀಡುತ್ತೇವೆ. ಆದರೆ ಬಿಜೆಪಿಯವ್ರು ಮಾತ್ರ ಈ ಕೊಲೆ ಪ್ರಕರಣವನ್ನು ತೀರ ರಾಜಕೀಯಕ್ಕೆ ಬಳಸಿಕೊಳ್ತಿದ್ದಾರೆ.
ಇದು ಅಕ್ಷಮ್ಯ ಎಂದು ಸಿಎಂ ಸಿದ್ದರಾಮಯ್ಯ ತಿಳಿಸಿದ್ದಾರೆ. ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಸಿಎಂ ಸಿದ್ದು, ಕಾನೂನು ಮೀರಿದವರಿಗೆ ಶಿಕ್ಷೆ ಆಗುತ್ತದೆ. ಆ ಪ್ರಕಾರವಾಗಿ ನಾವು ತೆಗೆದುಕೊಳ್ಳಬೇಕಿರುವ ಎಲ್ಲ ಕ್ರಮಗಳನ್ನು ಕಾನೂನು ಪ್ರಕಾರವಾಗಿ ತೆಗೆದುಕೊಂಡಿದ್ದೇವೆ. ಈ ನಿಟ್ಟಿನಲ್ಲಿ ಬಿಜೆಪಿಯವ್ರು ಅಪಪ್ರಚಾರ ಮಾಡಿಕೊಂಡು ರಾಜಕೀಯಕ್ಕೆ ಈ ಪ್ರಕರಣವನ್ನು ಬಳಸಿಕೊಂಡಿದ್ದಾರೆ. ಹಾಗೆ ಮಾಡುವುದಿದ್ದರೆ ಮಾಡಿಕೊಳ್ಳಲಿ ಎಂದು ತಿಳಿಸಿದರು. ಹುಬ್ಬಳಿಯ ಬಿವಿಬಿ ಕಾಲೇಜಿನ ಆವರಣದಲ್ಲಿ ಶುಕ್ರವಾರ ಕಾರ್ಪೋರೇಟರ್ ಪುತ್ರಿಯ ಭೀಕರ ಹತ್ಯೆ ನಡೆದಿತ್ತು.
