ನ್ಯೂಸ್ ನಾಟೌಟ್: ಈಗ ಮಾವಿನಹಣ್ಣಿನ ಸೀಸನ್ ಶುರುವಾಗಿದೆ. ಮಾವಿನ ಹಣ್ಣುಗಳಲ್ಲಿ ದೇವಗಡ ಮತ್ತು ರತ್ನಗಿರಿಯ ಅಲ್ಫೋನ್ಸೊ(alphonso) ಮಾವು ಅತ್ಯುತ್ತಮ ಜಾತಿ ಎನಿಸಿಕೊಂಡಿವೆ. ಇದರ ಬೆಲೆ ಕೂಡ ಹೆಚ್ಚಾಗಿಯೆ ಇದ್ದು, ಸದ್ಯ ಈ ಅಲ್ಫೋನ್ಸೊ ಹಣ್ಣುಗಳನ್ನು ವ್ಯಾಪಾರಿಯೊಬ್ಬರು ಇಎಂಐ ಯಲ್ಲಿ ಮಾರಾಟ ಮಾಡಲು ಮುಂದಾಗಿದ್ದಾರೆ.
ಪುಣೆಯ ಹಣ್ಣು ಮಾರಾಟಗಾರರೊಬ್ಬರು ಮಾವಿನ ಹಣ್ಣು ಮಾರಾಟ ಹೆಚ್ಚು ಮಾಡಲು ಹೊಸ ಟ್ರಿಕ್ ಉಪಯೋಗಿಸಿದ್ದು, ಇಎಂಐನಲ್ಲಿ ಹಣ್ಣಿನ ಮಾರಾಟ ಮಾಡುವಂಥ ಯೋಜನೆ ಕಾರ್ಯಗತಗೊಳಿಸಿದ್ದಾರೆ.
ಅಲ್ಫೋನ್ಸೊ ಮಾವಿನ ಹಣ್ಣುಗಳನ್ನು ಮಾಸಿಕ ಕಂತುಗಳು ಅಥವಾ EMI ಗಳಲ್ಲಿ ಮಾರಾಟ ಮಾಡಲು ಒಂದು ಪ್ರಯೋಗ ನಡೆಸಿದ್ದಾರೆ ಎನ್ನಲಾಗಿದ್ದು. ಗುರುಕೃಪಾ ಟ್ರೇಡರ್ಸ್ ಮತ್ತು ಫ್ರೂಟ್ ಪ್ರಾಡಕ್ಟ್ಸ್ ನ ಗೌರವ್ ಸನಾಸ್ ಈ ಉಪಾಯ ಜಾರಿಗೆ ತಂದಿದ್ದಾರೆ.
ಅವರ ಪ್ರಕಾರ ಈ ಯೋಜನೆಯಿಂದ ಸಾಮಾನ್ಯವಾಗಿ ಅಲ್ಪಾನ್ಸೊವನ್ನು ಖರೀದಿಸಲು ಸಾಧ್ಯವಾಗದ ಸಾಮಾನ್ಯ ಜನರು ಸಹ ಈ ವರ್ಷ ಅದನ್ನು ಖರೀದಿಸಬಹುದು. ನಂತರ ನಿಧಾನವಾಗಿ ಇಎಂಐ ತುಂಬಬಹುದು ಎಂದು ಹೇಳುತ್ತಿದ್ದಾರೆ.
ಬೆಲೆ ಸ್ವಲ್ಪ ಹೆಚ್ಚು ಕಡಿಮೆ ಇದ್ದರೂ ಮಾವಿನ ಹಣ್ಣನ್ನು ಖರೀದಿ ಮಾಡದೆ ಇರುವುದಿಲ್ಲ. ಈ ಪ್ರಯೋಗದ ಯಶಸ್ವಿಯಾದರೆ ಮುಂದೆ ದೊಡ್ಡ ಮಟ್ಟದಲ್ಲಿ ಯೋಜಿಸಲು ಇವರು ನಿರ್ಧರಿಸಿರುವುದಾಗಿ ವರದಿ ತಿಳಿಸಿದೆ.
