ನ್ಯೂಸ್ ನಾಟೌಟ್ : ದೇಶದಲ್ಲಿ ಮೊದಲೇ ನಿರುದ್ಯೋಗ ಸಮಸ್ಯೆ ತಾಂಡವವಾಡುತ್ತಿದೆ.ಎಷ್ಟೇ ಓದಿದ್ರೂ ಯಾವ ಎಕ್ಸಾಮ್ ಪಾಸ್ ಮಾಡಿದ್ರೂ ಸ್ಪರ್ಧೆ ಹೆಚ್ಚಾಗಿದೆ.ಒಳ್ಳೆಯ ಉದ್ಯೋಗ ಸಿಗಬೇಕಂದ್ರೆ ಹರಸಾಹಸವನ್ನೇ ಪಡಬೇಕು. ಆದ್ರೆ ಈ ದೃಶ್ಯ ನೋಡಿದ್ರೆ ನೀವು ಬೆಚ್ಚಿ ಬೀಳೋದಂತು ಗ್ಯಾರಂಟಿ.ರೈಲ್ವೆ ಅಧಿಕಾರಿಯ ಮೇಜಿನ ಮೇಲೆ ಲಂಗೂರ್ ಜಾತಿಯ ಕೋತಿಯೊಂದು ಕುಳಿತು ಕಚೇರಿಯ ಕೆಲಸದಲ್ಲಿ ಫುಲ್ ಬ್ಯುಸಿಯಾಗಿರುವಂತೆ ಕಾಣಿಸುತ್ತಿದೆ. ಈ ದೃಶ್ಯ ನೋಡಿದ್ರೆ ಅಬ್ಬಾ..!ಕೋತಿಗಳು ಈ ಕೆಲಸ ಮಾಡಲು ಹೊರಟ್ರೆ ಮನುಷ್ಯರ ಪರಿಸ್ಥಿತಿ ಹೇಗೆ ? ಎನ್ನುವ ಪ್ರಶ್ನೆ ಮೂಡದಿರಲಿಕ್ಕಿಲ್ಲ..!
ಹೌದು, ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ.ನೋಡೋದಕ್ಕೆ ಇದು ಗಂಭೀರ ಎಂದು ಅನಿಸಿದರೂ ಇದು ಕೇವಲ ಕಪಿ ಚೇಷ್ಟೆ ಅಷ್ಟೇ.ರೈಲ್ವೆ ಅಧಿಕಾರಿಯ ಮೇಜಿನ ಮೇಲೆ ಲಂಗೂರ್ ಜಾತಿಯ ಕೋತಿಯೊಂದು ಕುಳಿತಿರುವಂತಹ ದೃಶ್ಯವಿದು. ಕಚೇರಿಯ ಕುರ್ಚಿಯ ಮೇಲೆ ಆರಾಮವಾಗಿ ಕುಳಿತಿರುವ ಕೋತಿ ಸುಮ್ಮನೆ ಕುಳಿತಿಲ್ಲ ಬದಲಾಗಿ ಎಲ್ಲಾ ಫೈಲ್ಗಳನ್ನ ಚೆಕ್ ಮಾಡುತ್ತಿದೆ.ಈ ಮೂಲಕ ಕೋತಿಯು ಕಚೇರಿಯಲ್ಲಿ ಕೆಲಸದಲ್ಲಿ ಫುಲ್ ಬ್ಯುಸಿ ಎಂಬಂತೆ ತೋರಿಸುವ ವಿಡಿಯೋ ಸದ್ಯ ಎಲ್ಲರ ಗಮನ ಸೆಳೆಯುತ್ತಿದೆ.
ಈ ದೃಶ್ಯ ಪಶ್ಚಿಮ ಬಂಗಾಳದ ರೇಲ್ವೇ ಸ್ಟೇಶನ್ ಒಂದರಲ್ಲಿ ಕಂಡು ಬಂದಿದ್ದು ಎನ್ನಲಾಗಿದೆ. ಕೋತಿಯು ಮನುಷ್ಯ ಆಫೀಸಲ್ಲಿ ಕೆಲಸ ಮಾಡುವ ರೀತಿಯಲ್ಲೇ ಅಲ್ಲಿದ್ದ ಫೈಲ್ಗಳನ್ನ ಹುಡುಕಾಡುತ್ತಿದೆ. ಅದೇ ರೀತಿ ಎಲ್ಲಾ ಫೈಲ್ಗಳನ್ನ ಪರಿಶೀಲಿಸುತ್ತಿದೆ. ಇನ್ನು ಈ ಕೋತಿಯನ್ನ ನೋಡಲು ಜನಸಮೂಹವೇ ಕಚೇರಿಯ ಮುಂದೆ ಜಮಾಯಿಸಿದೆ ಎಂದು ತಿಳಿದು ಬಂದಿದೆ.
ಕಚೇರಿಯಲ್ಲಿ ಕುಳಿತಿರುವ ಕೋತಿಯ ಈ ದೃಶ್ಯ ನೋಡಿ ನೆಟ್ಟಿಗರ ಕುತೂಹಲಕ್ಕೂ ಕಾರಣವಾಗಿದೆ. ಮಾತ್ರವಲ್ಲ ಕೋತಿಯ ತುಂಟಾಟ ನೋಡಿ ಭಲೇ ಕೋತಿ.. ನಿನ್ನ ಸಮಯ ಪ್ರಜ್ಞೆ ನೋಡಿ ನಾವು ಕಲಿಬೇಕಿದೆ ಎನ್ನುತ್ತಿದ್ದಾರೆ.ನಿನ್ನ ಕರ್ತವ್ಯನಿಷ್ಠೆಯನ್ನು ಮೆಚ್ಚಲೇ ಬೇಕೆಂದು ಕಾಮೆಂಟ್ ಮಾಡುತ್ತಿದ್ದಾರೆ.
ಓರ್ವ ವ್ಯಕ್ತಿ ಕಾಮೆಂಟ್ ಮಾಡುತ್ತಾ ಹೇಳಿದ್ದು, ಈ ಕೋತಿ ಸರ್ಕಾರಿ ನೌಕರಿ ಮಾಡುತ್ತಲಿದ್ದು, ನಮಗಿಂತಲೂ ಬೇಗನೆ ಕೋತಿಯ ಮದುವೆಯಾಗುತ್ತೆ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೋರ್ವ ವ್ಯಕ್ತಿ, ಕೋತಿ ಕೆಲಸದಲ್ಲಿ ಮಗ್ನವಾಗಿದೆ ಅದನ್ನ ಡಿಸ್ಟರ್ಬ್ ಮಾಡ್ಬೇಡಿ ಅಂತಾ ಟ್ವೀಟ್ ಮಾಡಿದ್ದಾರೆ.
