ನ್ಯೂಸ್ ನಾಟೌಟ್: ಮರ್ಕಂಜದ ಸೇವಾಜೆ ಬಳಿ ವಾಸವಿದ್ದ ಬೆಳ್ಯಪ್ಪ ಗೌಡ ಪೆರುಮುಂಡ ಅವರು ಸೆ.9ರಂದು ಕಾಣೆಯಾಗಿದ್ದಾರೆ. ಅವರಿಗೆ 76 ವರ್ಷ ವಯಸ್ಸಾಗಿತ್ತು. ಸೋಮವಾರ ಬೆಳಗ್ಗಿನಿಂದಲೇ ಪಯಸ್ವಿನಿ ನದಿಯ ಸುತ್ತಮುತ್ತ ಸುಮಾರು 5 ಕಿ. ಮೀ. ವ್ಯಾಪ್ತಿಯಲ್ಲಿ ಮುಳುಗು ತಜ್ಞರು ಹುಡುಕಾಟ ನಡೆಸಿದರು. ಆದರೆ ಬೆಳ್ಯಪ್ಪ ಗೌಡ ಅವರ ಸುಳಿವು ಸಿಕ್ಕಿಲ್ಲ ಎಂದು ತಿಳಿದು ಬಂದಿದೆ.
ಮುಳುಗು ತಜ್ಞ ಹಾಗೂ ಪ್ರಗತಿ ಆಂಬ್ಯುಲೆನ್ಸ್ ಚಾಲಕ ಕಮ್ ಮಾಲೀಕ ಅಚ್ಚು, ಶ್ರೀ ಮುತ್ತಪ್ಪನ್ ಆಂಬ್ಯುಲೆನ್ಸ್ ನ ಚಾಲಕ ಅಭಿಲಾಷ್ , ಶೌರ್ಯ ವಿಪತ್ತು ಘಟಕದ ಚಿದಾನಂದ ಮೂಡನಕಜೆ ಹಾಗೂ ಪ್ರಸನ್ನ ಒಳಗೊಂಡ ತಂಡ ಪಯಸ್ವಿನಿ ನೀರಿನ ಆಳದಲ್ಲಿ ಹುಡುಕಾಟ ನಡೆಸಿತು. ಆದರೆ ಯಾವುದೇ ಪ್ರಯೋಜನ ಆಗಿಲ್ಲ. ಮಂಗಳವಾರ ಕಾಡಿನೊಳಗಿನ ಭಾಗಗಳಲ್ಲಿ ಇದೇ ತಂಡ ಹುಡುಕಾಟ ನಡೆಸಲಿದೆ ಎಂದು ತಿಳಿದು ಬಂದಿದೆ.
