ನ್ಯೂಸ್ ನಾಟೌಟ್ :ತಾಯಿ ಜೊತೆ ಹೊಳೆ ಬದಿಗೆ ಹೋಗಿದ್ದ ಬಾಲಕನೊಬ್ಬ ಅಮ್ಮನ ಕಣ್ಣೆದುರೇ ನೀರಿನಲ್ಲಿ ಮುಳುಗಿ ಮೃತಪಟ್ಟಿರುವ ಘಟನೆ ನಡೆದಿದೆ. ಉಡುಪಿ ಜಿಲ್ಲೆಯ ಬೈಂದೂರು ತಾಲೂಕಿನ ಮದ್ದೋಡಿಯಲ್ಲಿ ನಡೆದ ಈ ಘಟನೆಯಲ್ಲಿ ಅನಿಲ್ ಎಂಬ ಏಳು ವರ್ಷದ ಬಾಲಕ ಪ್ರಾಣ ಕಳೆದುಕೊಂಡಿದ್ದಾನೆ.
ಏನಿದು ಘಟನೆ ?
ತಾಯಿ ಬಟ್ಟೆ ಒಗೆಯಲೆಂದು ಹೊಳೆ ಬದಿಗೆ ಹೊರಟಾಗ ಅನಿಲ್ ಕೂಡಾ ಅವರ ಜತೆ ಹೊರಟಿದ್ದ. ಅಮ್ಮ ಹೊಳೆ ಬದಿಯಲ್ಲಿ ನಿಂತು ಬಟ್ಟೆ ತೊಳೆಯುತ್ತಿದ್ದಂತೆಯೇ ಮಗ ಅನಿಲ್ ತಾನು ನೀರಿನಲ್ಲಿ ಆಟವಾಡುತ್ತಾ ಕೂತಿರುವುದಾಗಿ ಹೇಳಿದ್ದ. ಹೀಗೆ ಕಲ್ಲಲ್ಲಿ ಕೂತಿದ್ದಾಗ ಆಯತಪ್ಪಿ ನೀರಿಗೆ ಬಿದ್ದಿದ್ದಾನೆ.ಅಮ್ಮನಿಗೆ ಕೂಡಲೇ ಮಗು ನೀರಿಗೆ ಬಿದ್ದಿರುವುದು ಗೊತ್ತಾದರೂ ಆಕೆ ಆ ಕಡೆ ನುಗ್ಗಿ ಮಗುವನ್ನು ರಕ್ಷಿಸಲು ಪ್ರಯತ್ನಿಸಿದರೂ ಸಾಧ್ಯವಾಗದೆ ಮಗು ನೀರಿನಲ್ಲಿ ಮುಳುಗಿ ಪ್ರಾಣ ಕಳೆದುಕೊಂಡಿದೆ. ಬೈಂದೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಘಟನಾ
ಸ್ಥಳಕ್ಕೆ ಬೈಂದೂರು ಪೋಲಿಸರು ಭೇಟಿ ನೀಡಿದ್ದಾರೆ.
