ನ್ಯೂಸ್ ನಾಟೌಟ್ : ಚೆಂಬು ಗ್ರಾಮದಲ್ಲಿ ಮನೆಯೊಂದರ ಮೇಲೆ ಗುಡ್ಡ ಕುಸಿದ ಘಟನೆ ಇದೀಗ (ಸೋಮವಾರ ಸಂಜೆ) ನಡೆದಿದೆ. ಕಟ್ಟೆಪಾರೆ ಜನಾರ್ಧನ ನಾಯ್ಕ್ ಅವರ ಮನೆ ಎಂದು ತಿಳಿದು ಬಂದಿದೆ. ಅದೃಷ್ಟವಶಾತ್ ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಈ ದುರಂತ ಸಂಭವಿಸಿದೆ. ಇಂದು ಸಂಜೆ ಭೂಕಂಪ ಆಗುವ ಕೆಲವೇ ನಿಮಿಷಗಳ ಮುನ್ನ ಇವರ ಮನೆಯ ಮೇಲೆ ಗುಡ್ಡ ಕುಸಿದಿದೆ ಎನ್ನಲಾಗಿದೆ.
ಕಳೆದ ಕೆಲವು ದಿನಗಳಿಂದ ಗುಡ್ಡ ಕುಸಿಯುವ ಭೀತಿ ಇದ್ದುದರಿಂದ ಅವರು ಮನೆ ಬಿಟ್ಟು ಕುದರೆಪಾಯಕ್ಕೆ ಹೋಗಿ ವಾಸವಿದ್ದರು ಎನ್ನಲಾಗಿದೆ. ಚೆಂಬು ಗ್ರಾಮದಲ್ಲಿ ಒಂದು ಕಡೆ ಸರಣಿ ಭೂಕಂಪ, ಮತ್ತೊಂದು ಕಡೆ ಜೋರಾಗಿ ಸುರಿಯುತ್ತಿರುವ ಮಳೆಯಿಂದ ಜನ ತತ್ತರಿಸಿದ್ದಾರೆ.
