ನ್ಯೂಸ್‌ ನಾಟೌಟ್‌: ಬಸ್ ಮತ್ತು ಬೈಕ್ ನಡುವೆ ಅಪಘಾತ ಸಂಭವಿಸಿದ ಪರಿಣಾಮ ಬೈಕ್ ಸವಾರ ಸ್ಥಳದಲ್ಲೇ ಧಾರುಣವಾಗಿ ಮೃತಪಟ್ಟ ಘಟನೆ ಹೆಬ್ರಿಯ ಆಗುಂಬೆ ಘಾಟ್ನಲ್ಲಿ ಭಾನುವಾರ ಸಂಭವಿಸಿದೆ.
ಮೃತಪಟ್ಟ ಯುವಕನನ್ನು ಶಶಾಂಕ್ (21) ಎಂದು ಗುರುತಿಸಲಾಗಿದೆ. ಬೈಕ್‌ನಲ್ಲಿದ್ದ ಹಿಂಬದಿ ಸವಾರೆ ನಿರ್ಮಿತ(19) ಗಂಭೀರವಾಗಿ ಗಾಯಗೊಂಡಿದ್ದು, ಮಾಹಿತಿ ತಿಳಿದ 108 ಹೆಬ್ರಿ ಆ್ಯಂಬುಲೆನ್ಸ್ ಗಳೆರಡು ಘಟನಾ ಸ್ಥಳಕ್ಕೆ ಆಗಮಿಸಿ ಗಾಯಾಳು ನಿರ್ಮಿತಳಿಗೆ ಪ್ರಥಮ ಚಿಕಿತ್ಸೆ ನೀಡಿ ಮಣಿಪಾಲ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. 108 ಆ್ಯಂಬುಲೆನ್ಸ್ ನ ಅಮರನಾಥ್ ಇಎಂಟಿ ಮಹಾಂತೇಶ್ ಕರ್ತವ್ಯ ಹಾಗೂ ಮತ್ತೊಂದು 108 ಆ್ಯಂಬುಲೆನ್ಸ್ ನ ಪೈಲೆಟ್ ಕಿಶೋರ್ ಇಎಂಟಿ ದೇವಿಕಾ ಕರ್ತತ್ಯ ನಿಷ್ಠೆ ತೋರಿದ್ದಾರೆ.
