ನ್ಯೂಸ್ ನಾಟೌಟ್: ಮಳೆಗಾಲ ಬಂತೆಂದರೆ ಒಂದಲ್ಲ ಒಂದು ಅನಾಹುತ ಸೃಷ್ಟಿಯಾಗುತ್ತದೆ. ಇದೀಗ ಪದಕ ಬಾಳುಗೋಡು ಸಮೀಪದ ಹರಿಹರದಿಂದ ಮುಂದೆ ಇರುವ ಸೇತುವೆಯೊಂದು ಬಿರುಕು ಬಿಟ್ಟಿದೆ. ಯಾವ ಸಂದರ್ಭದಲ್ಲೂ ಇದು ಕುಸಿದು ಬೀಳುವ ಅಪಾಯ ಇರುವುದರಿಂದ ಸಂಬಂಧಪಟ್ಟವರು ಆದಷ್ಟು ಬೇಗ ಕ್ರಮವನ್ನು ತೆಗೆದುಕೊಳ್ಳಬೇಕು ಅನ್ನುವ ಒತ್ತಾಯ ಸಾರ್ವಜನಿಕರಿಂದ ಕೇಳಿ ಬಂದಿದೆ.
ಭೀಕರ ಮಳೆಗೆ ಪ್ರತಿ ವರ್ಷವೂ ಈ ಸೇತುವೆಗೆ ಮಳೆ ನೀರು ಹೊಡೆದು ಹಾನಿಯಾಗುತ್ತಿದೆ. ಸ್ವಲ್ಪ ಸ್ವಲ್ಪವೇ ಸೇತುವೆಗೆ ಹೊಡೆತ ಬಿದ್ದಿತ್ತು. ಈ ಬಗ್ಗೆ ಅಧಿಕಾರಿಗಳಿಗೆ ಹಾಗೂ ಸಂಬಂಧಪಟ್ಟವರ ಗಮನಕ್ಕೆ ತರಲಾಗಿತ್ತು. ಆದರೆ ಯಾರು ಕೂಡ ಗಮನ ನೀಡಿರಲಿಲ್ಲ ಎಂದು ಸ್ಥಳೀಯರು ದೂರುತ್ತಿದ್ದಾರೆ. ಒಂದು ವೇಳೆ ಇತ್ತ ಗಮನ ಕೊಡದಿದ್ದರೆ ವಾಹನ ಸಂಚಾರ ನಡೆಸುತ್ತಿರುವಾಗಲೇ ಜೀವಕ್ಕೆ ಹಾನಿಯಾಗಿ ಭಾರಿ ಅನಾಹುತ ಸಂಭವಿಸಬಹುದು. ಹೀಗಾಗಿ ತಕ್ಷಣ ಇದಕ್ಕೊಂದು ಪರಿಹಾರ ನೀಡಬೇಕೆಂದು ಸ್ಥಳೀಯರು ನ್ಯೂಸ್ ನಾಟೌಟ್ ಮೂಲಕ ಆಗ್ರಹಿಸಿದ್ದಾರೆ.
