ಅಜ್ಜಾವರ:ಹುಲ್ಲಿಗೆಂದು ತೋಟಕ್ಕೆ ಹೋದ ಮಹಿಳೆ ಹಠಾತ್ ಕುಸಿದು ಸಾವು

ನ್ಯೂಸ್ ನಾಟೌಟ್ : ಹುಲ್ಲಿಗೆಂದು ತೋಟಕ್ಕೆ ಹೋದ ಮಹಿಳೆ ಹಠಾತ್ ಕುಸಿದು ಬಿದ್ದು ಮೃತಪಟ್ಟಿರುವ ಘಟನೆ ಸುಳ್ಯದ ಅಜ್ಜಾವರ ಮಾರ್ಗ ಮನೆಯಿಂದ ವರದಿಯಾಗಿದೆ.ಇಂದು ಮಧ್ಯಾಹ್ನ ಮೃತಪಟ್ಟಿದ್ದು,ಅನಿತಾ ಮೃತ ಮಹಿಳೆ.

ಅನಿತಾ ಅವರು ಪತಿ ರಾಮಕೃಷ್ಣ ಸುಳ್ಯಕ್ಕೆ ಹೋಗಿದ್ದ ಸಂದರ್ಭದಲ್ಲಿ ತೋಟಕ್ಕೆ ಹುಲ್ಲಿಗೆಂದು ಹೋಗಿದ್ದರು ಎನ್ನಲಾಗಿದೆ.ಪತಿ ಮನೆಗೆ ಬರುವ ಸಂದರ್ಭ ಪತ್ನಿ ಮನೆಯಲ್ಲಿಲ್ಲದ್ದನ್ನು ಗಮನಿಸಿ ತೋಟಕ್ಕೆ ಹೋಗಿದ್ದಾಗ ಅಲ್ಲಿ ಅನಿತಾರವರು ಕುಸಿದು ಬಿದ್ದಿದ್ದರು ಎನ್ನಲಾಗಿದೆ.ಗಾಬರಿಯಾದ ಪತಿ ರಾಮಚಂದ್ರ ಅವರು ಕೂಡಲೇ ಅವರನ್ನು ಸುಳ್ಯ ಆಸ್ಪತ್ರೆಗೆ ಕರೆತಂದರು.ಆದರೆ ಅದಾಗಲೇ ಅವರು ಮೃತಪಟ್ಟಿದ್ದರು ಎಂದು ತಿಳಿದು ಬಂದಿದೆ.