ನ್ಯೂಸ್ ನಾಟೌಟ್: ಪೊಲೀಸರು ರಾಣಿಗುಂಜ್‌ನಲ್ಲಿ ಡ್ಯಾನ್ಸ್ ಬಾರ್ ಮೇಲೆ ದಾಳಿ ಮಾಡಿದ್ದು, ಶನಿವಾರ ಮತ್ತು ಭಾನುವಾರದ ಮಧ್ಯ ರಾತ್ರಿಯ ದಾಳಿಯಲ್ಲಿ 29 ಜನರನ್ನು ಬಂಧಿಸಿದ್ದಾರೆ ಎಂದು ವರದಿ ತಿಳಿಸಿದೆ.
ಪೊಲೀಸರು ಒಂಬತ್ತು ನೃತ್ಯಗಾರರನ್ನು ರಕ್ಷಿಸಿದ್ದು, ತಡರಾತ್ರಿ ಶಬ್ದ ಕೇಳಿದ್ದಕ್ಕೆ ಸಾರ್ವಜನಿಕರ ದೂರಿನ ಮೇರೆಗೆ ಬಾರ್ ಮೇಲೆ ದಾಳಿ ನಡೆಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. ಮೊದಲ ಮಹಡಿಯಲ್ಲಿ ಡ್ಯಾನ್ಸರ್‌ಗಳ ಮೇಲೆ ಗ್ರಾಹಕರು ಹಣದ ಸುರಿಮಳೆಗೈದಿರುವುದನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ.
ಹೈದರಾಬಾದ್‌ನಲ್ಲಿ 2008 ರಿಂದ ಡ್ಯಾನ್ಸ್ ಬಾರ್‌ಗಳನ್ನು ನಿಷೇಧಿಸಲಾಗಿತ್ತು. ದಾಳಿಯನ್ನು ವಿವರಿಸಿದ ಬಾರ್‌ನ ಭದ್ರತಾ ಸಿಬ್ಬಂದಿ, ನಾಲ್ವರು ಮಹಿಳೆಯರು ಸೇರಿದಂತೆ 12 ಪೊಲೀಸ್ ಸಿಬ್ಬಂದಿ ಬಾರ್‌ಗೆ ಪ್ರವೇಶಿಸಿದರೆ ಏಳು ಮಂದಿ ದಾಳಿಯಿಂದ ತಪ್ಪಿಸಿಕೊಂಡ ಯಾರನ್ನಾದರೂ ಹಿಡಿಯಲು ಕಾಯುತ್ತಿದ್ದರು ಎಂದು ಹೇಳಿದರು.
ಇದರ ಹೊರತಾಗಿಯೂ, ಆರು ಗ್ರಾಹಕರು ಹಿಂದಿನ ಬಾಗಿಲಿನ ಮೂಲಕ ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾದರು, ಇತರರನ್ನು ಬಂಧಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. ನರ್ತಕಿಯರನ್ನು ಮಹಿಳಾ ಪೊಲೀಸರು ಪ್ರತ್ಯೇಕ ವಾಹನದಲ್ಲಿ ಕರೆದೊಯ್ದರು ಎಂದು ಮಾಹಿತಿ ದೊರಕಿದೆ.
20 ಗ್ರಾಹಕರ ಜೊತೆಗೆ ಮಾಲೀಕರಾದ ಕೆ.ವೆಂಕಟ್ ರೆಡ್ಡಿ ಮತ್ತು ರೇವಂತ್ ಕುಮಾರ್ ಸೇರಿದಂತೆ ಒಂಬತ್ತು ನಿರ್ವಹಣಾ ಸಿಬ್ಬಂದಿಯನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಒಂದು ವಾರದ ಹಿಂದೆ ಸಂಘಟಕರು ಡ್ಯಾನ್ಸ್ ಬಾರ್ ಅನ್ನು ತೆರೆದಿದ್ದಾರೆ ಎಂದು ಮಾಹಿತಿ ದೊರಕಿದ್ದು, ನಾವು ಅವರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸುತ್ತೇವೆ ಎಂದು ಇನ್ಸ್‌ಪೆಕ್ಟರ್ ಕವೇಟಿ ಶ್ರೀನಿವಾಸುಲು ತಿಳಿಸಿದ್ದಾರೆ.
