ನ್ಯೂಸ್ ನಾಟೌಟ್: ಐಪಿಎಲ್ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದ್ರಾಬಾದ್ ವಿರುದ್ಧ ಹೀನಾಯ ಸೋಲು ಅನುಭವಿಸಿದ ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಫ್ರಾಂಚೈಸಿ ಮಾಲೀಕ ಸಂಜೀವ್ ಗೋಯಾಂಕ ನಾಯಕ ಕೆ.ಎಲ್. ರಾಹುಲ್ ಗೆ ಛೀಮಾರಿ ಹಾಕಿರುವ ವಿಡಿಯೋ ಎಲ್ಲೆಡೆ ವೈರಲ್ ಆಗಿದೆ, ಬುಧವಾರ(ಮೇ.8) ರಂದು ನಡೆದ ಪಂದ್ಯದ ವೇಳೆಯ ಈ ವಿಡಿಯೋಗೆ ಅಭಿಮಾನಿಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ.
ಎಸ್ ಆರ್ ಎಚ್ ಆರಂಭಿಕ ಬ್ಯಾಟರ್ ಗಳಾದ ಅಭಿಷೇಕ್ ಶರ್ಮಾ ಮತ್ತು ಟ್ರಾವಿಸ್ ಹೆಡ್, ನಂಬಲಸಾಧ್ಯ ವೇಗದಲ್ಲಿ ಎಲ್ ಎಸ್ ಜಿ ನೀಡಿದ ಗುರಿಯನ್ನು ತಲುಪಿ 10 ವಿಕೆಟ್ ಗಳ ಭರ್ಜರಿ ಜಯಕ್ಕೆ ಕಾರಣರಾಗಿದ್ದರು. ಎಲ್ ಎಸ್ ಜಿ ಡಗೌಟ್ ಬಳಿ ರಾಹುಲ್ ಜತೆ ಗೊಯಾಂಕ ಮಾತನಾಡುವ ವೇಳೆ ಕೋಪ ವ್ಯಕ್ತಪಡಿಸುತ್ತಿರುವುದು ಕಾಣಿಸುತ್ತಿದ್ದು, ಅಭಿಮಾನಿಗಳು ಇದಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ. ಗೊಯಾಂಕ ಅವರು ರಾಹುಲ್ ಜತೆ ಕಟುವಾಗಿ ಮಾತನಾಡುತ್ತಿರುವ ದೃಶ್ಯ ಪ್ರಸಾರವಾಗಿದೆ.
ವೀಕ್ಷಕ ವಿವರಣೆಗಾರರು ಇದನ್ನು “ನೀವು ಈ ಮಾತುಕತೆಯುನ್ನು ಮುಚ್ಚಿದ ಕೊಠಡಿಯಲ್ಲಿ ಮಾಡಬೇಕು. ಹಲವು ಕ್ಯಾಮೆರಾಗಳಿರುವಲ್ಲಿ ಮಾಡಿದರೆ ತಪ್ಪಿಸಿಕೊಳ್ಳಲಾಗುವುದಿಲ್ಲ ಎಂದಿದ್ದಾರೆ. ರಾಹುಲ್ ಪತ್ರಿಕಾಗೋಷ್ಠಿಗೂ ಹೋಗುವುದಿಲ್ಲ. ಇಲ್ಲಿ ತಾಳ್ಮೆ ಕಳೆದುಕೊಳ್ಳದೇ ರಾಹುಲ್ ಒಳ್ಳೆಯ ಕೆಲಸ ಮಾಡಿದ್ದಾರೆ” ಎಂದು ವಿವರಿಸಿದ್ದರು.
