ನ್ಯೂಸ್ ನಾಟೌಟ್: ಸಾಮಾಜಿಕ ಜಾಲತಾಣದಲ್ಲಿ ರೀಲ್ಸ್ ಮಾಡುವ ಹುಚ್ಚಿನಿಂದ ಹಲವರು ತಮಗೆ ಅಪಾಯ ತಂದುಕೊಂಡಿರುವ ಘಟನೆಗಳು ಆಗಾಗೆ ವರದಿಯಾಗಿತ್ತಿರುತ್ತವೆ. ಆದರೆ ಇಲ್ಲಿ ಯುವ ಜನರು ಎಷ್ಟು ಎಡೀಕ್ಟ್‌ ಆಗಿದ್ದಾರೆ ಎಂದರೇ ಒಂದು ನಿಮಿಷವೂ ಬಿಟ್ಟು ಇರಲಾಗದಷ್ಟು. ಕೆಲವರಂತೂ ಲೈಕ್‌ ಕಾಮೆಂಟ್‌ಗಳ ಸಲುವಾಗಿ ಬಟ್ಟೆ ಬಿಚ್ಚಿ ಕುಣಿಯುತ್ತಿದ್ದಾರೆ.
ಇಲ್ಲೊಂದು ಅಂತಹ ಘಟನೆ ವರದಿಯಾಗಿದ್ದು, ಪಂಜಾಬ್‌ನಲ್ಲಿ ರೀಲ್ಸ್ ಮಾಡುತ್ತಿದ್ದ ಯುವತಿಯೊಬ್ಬಳು ಪೊಲೀಸ್ ಕಾರ್‌ ಮೇಲೆ ಕುಳಿತು ರೀಲ್ಸ್ ಮಾಡಿದ್ದಾಳೆ. ಪಾಯಲ್‌ ಪರಮ್‌ ಎಂಬ ಮಹಿಳೆ ರೀಲ್ಸ್‌ಗಾಗಿ ಪೊಲೀಸ್ ಅಧಿಕಾರಿಯ ವಾಹನವನ್ನೇ ಬಳಸಿಕೊಂಡಿದ್ದು, ಸದ್ಯ ಈ ವಿಡಿಯೋ ಸೋಷಿಯಲ್‌ ಮಿಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.
ವೈರಲ್ ವಿಡಿಯೋದಲ್ಲಿ ಪೊಲೀಸ್ ವಾಹನವನ್ನು ಬಳಸಿಕೊಂಡ ಮಹಿಳೆ ಅದರ ಮುಂಬಾಗದ ಮೇಲೆ ಕುಳಿತುಕೊಂಡು ಭರ್ಜರಿ ಡ್ಯಾನ್ಸ್‌ ಮಾಡಿದ್ದಾಳೆ. ಅದೇ ವೇಳೆ ಆಕ್ಷೇಪಾರ್ಹ ಕೈಸನ್ನೆ ಮಾಡಿದ್ದಾಳೆ. ಇದಲ್ಲದೇ ಕೊನೆಯಲ್ಲಿ ಒಬ್ಬ ಪೊಲೀಸ್ ಅಧಿಕಾರಿಯೂ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದಾರೆ ಎನ್ನಲಾಗಿದೆ.
ಇನ್ನು ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಪೊಲೀಸ್ ವಾಹವನ್ನು ರೀಲ್ಸ್ ಮಾಡಲು ನೀಡಿದ್ದ ಜಲಂಧರ್‌ ಪೊಲೀಸ್ ಠಾಣೆಯ ಅಧಿಕಾರಿಯನ್ನು ಅಮಾನತುಮಾಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
