ನ್ಯೂಸ್ ನಾಟೌಟ್: ಕೆಲಸ ನಿರ್ವಹಿಸುತ್ತಿದ್ದ ವೇಳೆ ಅಪಾರ್ಟ್ಮೆಂಟ್ ಒಂದರ ಒಂಭತ್ತನೇ ಮಹಡಿಯಿಂದ ಕಾಲು ಜಾರಿ ವ್ಯಕ್ತಿ ಸ್ಥಳದಲ್ಲೇ ಮೃತಪಟ್ಟ ಘಟನೆ ಮಂಗಳೂರು ನಗರದ ನಂತೂರುನಲ್ಲಿ ನಡೆದಿದೆ.
ಎಸಿ ಟೆಕ್ನಿಷಿಯನ್ ಆಗಿ ಕೆಲಸ ನಿರ್ವಹಿಸುತ್ತಿದ್ದ ವಿನಯ್ ಜೋಯೆಲ್ ತಾವ್ರೋ (22) ಮೃತಪಟ್ಟಿದ್ದು, ಇವರು ಕೆಲಸದ ವಿಚಾರವಾಗಿ ನಂತೂರ್ ಬಳಿಯ ಅಪಾರ್ಟ್ಮೆಂಟ್‌ಗೆ ತೆರಳಿದ್ದರು ಎಂದು ವರದಿ ತಿಳಿಸಿದೆ.
ಒಂಭತ್ತನೇ ಮಹಡಿಯಲ್ಲಿ ಟೆಕ್ನಿಷಿಯನ್ ರಿಪೇರಿ ಸಂಬಂಧಿಸಿ ಕಿಟಕಿಯಿಂದ ಸ್ಕ್ರೂ ಹಾಕುವ ವೇಳೆ ಆಯತಪ್ಪಿ ಕೆಳಗೆ ಬಿದ್ದಿದ್ದು, ಇದರಿಂದ ಗಂಭೀರ ಗಾಯಗೊಂಡು ವಿನಯ್ ಜೋಯೆಲ್ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಅವರ ಮೃತದೇಹವನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ ಎಂದು ವರದಿ ತಿಳಿಸಿದೆ.
