ನ್ಯೂಸ್ ನಾಟೌಟ್ : ಸಾಮಾನ್ಯವಾಗಿ ಮನುಷ್ಯರು ಕಳ್ಳತನ ಮಾಡಿ ಜೈಲು ಸೇರುವುದನ್ನು ನೋಡಿದ್ದೇವೆ. ಆದರೆ ಇಲ್ಲೊಂದು ಕಡೆ ಇರುವೆಗಳೇ ಚಿನ್ನದ ಸರವನ್ನು ಕದ್ದು ಪೊಲೀಸ್‌ (ಐಪಿಎಸ್) ಅಧಿಕಾರಿಯ ಕೈಗೆ ರೆಡ್‌ ಹ್ಯಾಂಡ್‌ ಆಗಿ ಸಿಕ್ಕಿ ಬಿದ್ದಿವೆ. ಈ ಇರುವೆಗಳಿಗೆ ಎಂತಹ ಶಿಕ್ಷೆ ನೀಡಲಾಯಿತು ಗೊತ್ತಾ? ಮನುಷ್ಯನ ತರ್ಕಕ್ಕೂ ಸಿಗದ ರೀತಿಯ ವಿಶೇಷ ಪ್ರಕರಣ ಇದಾಗಿದ್ದು ಇದೀಗ ಎಲ್ಲ ಕಡೆ ವೈರಲ್ ಆಗಿದೆ.
ದೇಶದಲ್ಲಿ ದಿನದಿಂದ ದಿನಕ್ಕೆ ಚಿನ್ನದ ಬೆಲೆಗಳು ಹೆಚ್ಚಾಗುತ್ತಿದೆ. ಚಿನ್ನದ ದರ ದುಬಾರಿ ಕಂಡು ಖರೀದಿ ಮಾಡಲು, ಚಿನ್ನದ ಬೆಲೆ ಕಡಿಮೆಯಾಗಲಿ ಎಂದು ಕಾಯುತ್ತಾರೆ. ಅದರಲ್ಲಿ ಮನುಷ್ಯರಿಗೆ ಚಿನ್ನದ ಮೇಲೆ ವ್ಯಾಮೋಹ ಇರುತ್ತದೆ. ಹೆಚ್ಚಾಗಿ ಮಹಿಳೆಯರಿಗೆ ಆಸೆಗಳು ಹೆಚ್ಚು. ಆದರೆ ಪ್ರಾಣಿಗಳಿಗೂ ಈ ಚಿನ್ನದ ಮೇಲೆ ವ್ಯಾಮೋಹ ಇದೆಯಾ…? ಒಂದು ಇರುವೆಗಳ ಗುಂಪು ಆಹಾರ ವಸ್ತುಗಳ ಬದಲು , ಒಂದು ಚಿನ್ನದ ಸರವನ್ನು ಎತ್ತಿಕೊಂಡು ಹೋಗುತ್ತಿರುವ ದೃಶ್ಯ ವೈರಲ್ ಆಗಿದೆ. ಐಪಿಎಸ್ ಅಧಿಕಾರಿ ದೀಪಾಂಶು ಕಾಬ್ರ ತಮ್ಮ ಟ್ವಿಟರ್ ಖಾತೆಯಲ್ಲಿ ಇರುವೆಗಳು ಚಿನ್ನವನ್ನು ಕೊಂಡೊಯ್ಯುವ ವಿಡಿಯೋವನ್ನು ಶೇರ್ ಮಾಡಿದ್ದಾರೆ. ‘ಎಲ್ಲದಕ್ಕಿಂತ ಚಿಕ್ಕ ಗೋಲ್ಡ್ ಸ್ಮಗ್ಲರ್ ‘ ಎಂದು ಬರೆದುಕೊಂಡು ಎಲ್ಲರ ಗಮನ ಸೆಳೆದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
