ನ್ಯೂಸ್ ನಾಟೌಟ್: ಪಿಎಸ್ ಐ (ಪೊಲೀಸ್ ಸಬ್ ಇನ್ಸ್ ಪೆಕ್ಟರ್) ಸುಕೇತ್ ಮೇಲೆ ವಾಹನ ಚಲಾಯಿಸಿದ ದನ ಕಳ್ಳರು ಕೊಲೆಗೆ ಯತ್ನ ನಡೆಸಿದ ಘಟನೆ ಮೇ.15 ರಂದು ಬೆಳ್ಳಂ ಬೆಳಗ್ಗೆ 4.30 ರ ವೇಳೆ ಗೆ ನಡೆದಿದೆ. ಅದೃಷ್ಟವಷಾತ್ ಪಿ ಎಸ್ ಐ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ತಿಳಿದು ಬಂದಿದೆ.
ಘಟನೆ ಸಂಭವಿಸಿದ್ದೆಲ್ಲಿ?
ನ್ಯೂಸ್ ನಾಟೌಟ್ : ಪುಂಜಾಲಕಟ್ಟೆ ಪಿಎಸ್ ಐ ಸುಕೇತ್ ಅವರು ಸಿಬ್ಬಂದಿ ನವೀನ್, ಸಂದೀಪ್ ರೌಂಡ್ಸ್ ನಲ್ಲಿರುವಾಗ ವಾಮದಪದವು ಕುದ್ಕೋಳಿ ಎಂಬಲ್ಲಿ ಅನುಮಾನಾಸ್ಪದವಾಗಿ ಬರುತ್ತಿದ್ದ ಟಾಟಾ ಮೆಟ್ರೋ ಗಾಡಿ ನಿಲ್ಲಿಸಲು ಪ್ರಯತ್ನಿಸಿದ್ದಾರೆ. ಈ ವೇಳೆ ವಾಹನ ನಿಲ್ಲಿಸದೆ ಪಿಎಸ್ ಐ ಅವರಿಗೆ ಡಿಕ್ಕಿ ಹೊಡೆದಿದೆ. ಪೊಲೀಸ್ ಜೀಪಿಗೆ ತಾಗಿಸಿದ ವಾಹನವನ್ನು ಅಲ್ಲೇ ಬಿಟ್ಟು ಗೋ ಕಳ್ಳರು ಪರಾರಿಯಾಗಿದ್ದಾರೆ. ವಾಹನದಲ್ಲಿದ್ದ ದನಗಳನ್ನು ವಶಕ್ಕೆ ಪಡೆಯಲಾಗಿದೆ. ಪಿಎಸ್ ಐ ಸುಕೇತ್ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆದಿದ್ದಾರೆ. ಆರೋಪಿಗಳಿಗಾಗಿ ಶೋಧ ಕಾರ್ಯ ನಡೆಯುತ್ತಿದೆ.
