ಕಲ್ಲುಗುಂಡಿ: ವರ್ಷಂಪ್ರತಿ ನಡೆಯುವ ಕಲ್ಲುಗುಂಡಿ ಶ್ರೀ ಮಹಾವಿಷ್ಣುಮೂರ್ತಿ ಒತ್ತೆಕೋಲದ ಅದ್ಧೂರಿ ಮೇಲೇರಿ ಅಗ್ನಿ ಸ್ಪರ್ಶ ಕಾರ್ಯಕ್ರಮ ಇಂದು ರಾತ್ರಿ 9 ಕ್ಕೆ ನಡೆಯಲಿದೆ.
ಇದಕ್ಕೂ ಮೊದಲು ಇಂದು ರಾತ್ರಿ 7 ಗಂಟೆಗೆ ಕಲ್ಲುಗುಂಡಿಯ ಶ್ರೀ ಮಹಾವಿಷ್ಣುಮೂರ್ತಿ ದೈವಸ್ಥಾನದಿಂದ ಭಂಡಾರ ಹೊರಡಲಿದೆ. ಇದಾದ ಬಳಿಕ ರಾತ್ರಿ ಗಂಟೆ 9.15 ರಿಂದ ಸಾರ್ವಜನಿಕ ಅನ್ನ ಸಂತರ್ಪಣೆ ಕಾರ್ಯಕ್ರಮ ಜರುಗಲಿದೆ. ಬಳಿಕ ರಾತ್ರಿ ಗಂಟೆ 12.30 ರಿಂದ ಕುಲ್ಚಾಟ ಹೊರಡುವ ಕಾರ್ಯಕ್ರಮ ನಡೆಯಲಿದೆ.
ದಿನಾಂಕ 29 ರಂದು ಬೆಳಗ್ಗೆ 6 ಗಂಟೆಗೆ ಮಹಾವಿಷ್ಣುಮೂರ್ತಿ ಅಗ್ನಿ ಪ್ರವೇಶ, ಬೆಳಗ್ಗೆ 8 ಗಂಟೆಗೆ ಪ್ರಸಾದ ವಿತರಣೆ, ಬೆಳಗ್ಗೆ 9 ರಿಂದ ಮಾರಿಕಳ ಪ್ರವೇಶ ಬಳಿಕ ಹರಕೆಯ ಸುರಿಗೆಗಳನ್ನು ಒಪ್ಪಿಸುವುದು ಮತ್ತು ಪ್ರಸಾದ ವಿತರಣೆ ಮುಂದುವರಿಯಲಿರುವುದು. ರಾತ್ರಿ ಗಂಟೆ 8 ರಿಂದ ಶ್ರೀ ಮಹಾವಿಷ್ಣುಮೂರ್ತಿ ದೈವದ ತೊಡಂಇಲ್ (ದೈವಸ್ಥಾನದಲ್ಲಿ) ಹಾಗೂ ರಾತ್ರಿ 9 ಗಂಟೆಯಿಂದ ಪೊಟ್ಟ ದೈವದ ಕೋಲ ಮತ್ತು ಪ್ರಸಾದ ವಿತರಣೆ (ದೈವಸ್ಥಾನದಲ್ಲಿ) ನಡೆಯಲಿದೆ.
ದಿನಾಂಕ 30 ಬುಧವಾರ ಬೆಳಗ್ಗೆ 8.30 ರಿಂದ ಶ್ರೀ ಮಹಾವಿಷ್ಣುಮೂರ್ತಿ ದೈವದ ಬೈಲಕೋಲ ಮತ್ತು ಗುಳಿಗ ದೈವದ ಕೋಲ ಮತ್ತು ಪ್ರಸಾದ ವಿತರಣೆ (ದೈವಸ್ಥಾನದಲ್ಲಿ), ಸಂಜೆ ಗಂಟೆ 5 ರಿಂದ ಪಂಜುರ್ಲಿ, ಕಲ್ಲುರ್ಟಿ, ಗುಳಿಗ ದೈವಗಳ ಕೋಲ ಪ್ರಸಾದ ವಿತರಣೆ ಮತ್ತು ಅನ್ನಸಂತರ್ಪಣೆ (ಕೀಲಾರು ಕಟ್ಟೆ) ನೆರವೇರಲಿದೆ.
