ನ್ಯೂಸ್ ನಾಟೌಟ್ : ಗುಜರಾತ್‌ ನ ಸೂರತ್‌ ನ ಚರಂಡಿಯಲ್ಲಿ ಹೆಣ್ಣು ಭ್ರೂಣವೊಂದು ಪತ್ತೆಯಾಗಿದೆ. ಪಕ್ಷಿಗಳು ಅದರ ಮೇಲೆ ಸುಳಿದಾಡುತ್ತಿದ್ದವು. ಮಕ್ಕಳ ಗುಂಪೊಂದು ಪಕ್ಷಿಗಳನ್ನು ಚದುರಿಸಲು ಕಲ್ಲುಗಳನ್ನು ಎಸೆದು, ಅಲ್ಲಿ ಒಂದು ಶವವಿದೆ ಎಂದು ತಿಳಿಸಿದ ಮೇಲೆ ಪೊಲೀಸರನ್ನು ಕರೆಸಲಾಗಿದೆ, ಬಳಿಕ ವಿಷಯ ಬಯಲಾಗಿದೆ.
ಪರೀಕ್ಷಿಸಿದ ವೈದ್ಯರು ಮಗು ಸತ್ತಿರುವುದಾಗಿ ಘೋಷಿಸಿದರು. ಜನವರಿ 9 ರಂದು ಸೂರತ್‌ ನ ಅಪೇಕ್ಷಾನಗರದಲ್ಲಿ ಈ ಘಟನೆ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.
ಪೊಲೀಸರು ಹೇಳುವ ಪ್ರಕಾರ, ಪೊಲೀಸರು ಶಂಕಿತ ಆರೋಪಿಯಾಗಿದ್ದ 16 ವರ್ಷದ ಬಾಲಕಿಯನ್ನು ನ್ಯೂ ಸಿವಿಲ್ ಆಸ್ಪತ್ರೆಗೆ ವೈದ್ಯಕೀಯ ಪರೀಕ್ಷೆಗೆ ಕರೆದೊಯ್ದರು, ಅಲ್ಲಿ ವೈದ್ಯರು ಅವಳು ಗರ್ಭಿಣಿಯಾಗಿದ್ದಳೆಂದು ದೃಢಪಡಿಸಿದ್ದಾರೆ. ತನಿಖೆಯಲ್ಲಿ ಬಾಲಕಿ ಜನವರಿ 3 ರವರೆಗೆ ಶಾಲೆಗೆ ಹೋಗಿದ್ದಳು ಎಂದು ತಿಳಿದುಬಂದಿದೆ.
ಹುಡುಗಿ ಇನ್ಸ್ಟಾಗ್ರಾಮ್ ನಲ್ಲಿ 17 ವರ್ಷದ ಹುಡುಗನ ಜೊತೆ ಪರಿಚಯವಾಗಿದ್ದಳು ಮತ್ತು ಅವರು ಸ್ನೇಹಿತರಾಗಿದ್ದಾರೆ.. ಇಬ್ಬರೂ ಇನ್ಸ್ಟಾಗ್ರಾಮ್ ಮೂಲಕ ಪರಸ್ಪರ ಸಂಪರ್ಕಕ್ಕೆ ಬಂದರು. ಆ ಹುಡುಗ ಸೂರತ್‌ ನ ಕೈಗಾರಿಕಾ ಪ್ರದೇಶವಾದ ಪಾಂಡೇಸರದಲ್ಲಿ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದನು. ಈ ವೇಳೆ ಅವರಿಬ್ಬರು ದೈಹಿಕ ಸಂಬಂಧ ಹೊಂದಿದ್ದರಿಂದ ಹುಡುಗಿ ಗರ್ಭಿಣಿಯಾದಳು ಎನ್ನಲಾಗಿದೆ.
ಹುಡುಗಿ ಗರ್ಭಿಣಿಯಾಗಿದ್ದಾಳೆಂದು ತಿಳಿದ ನಂತರ, ಹುಡುಗ ಉತ್ತರ ಪ್ರದೇಶದ ತನ್ನ ಮನೆಗೆ ಮತ್ತು ನಂತರ ಅಲ್ಲಿಂದ ಮುಂಬೈಗೆ ಓಡಿಹೋಗಿದ್ದಾನೆ.
ಮುಂಬೈನಿಂದ, ಹುಡುಗ ಗರ್ಭಾವಸ್ಥೆಯನ್ನು ಕೊನೆಗೊಳಿಸಲು ಅವಳಿಗೆ ಮಾತ್ರೆಗಳ ಪ್ಯಾಕೆಟ್ ಕಳುಹಿಸಿದ್ದಾನೆ.. ಅವಳು ಎರಡು ಮಾತ್ರೆಗಳನ್ನು ತೆಗೆದುಕೊಂಡಿದ್ದಳು, ಈ ವೇಳೆ ಮನೆಯಲ್ಲಿ ಗರ್ಭಪಾತವಾಗಿದೆ.. ಬಳಿಕ ಆಕೆ ಭ್ರೂಣವನ್ನು ಚರಂಡಿಗೆ ಎಸೆದಿದ್ದಾಳೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಈ ಬಗ್ಗೆ ಹೆಚ್ಚಿನ ತನಿಖೆ ನಡೆಯುತ್ತಿದೆ.
Click
