ನ್ಯೂಸ್ ನಾಟೌಟ್: ದುಬೈನಲ್ಲಿ ಕೆಲಸ ಮಾಡುತ್ತಿರುವ ಹೈದರಾಬಾದ್ ಮೂಲದ ವಾಚ್‌ ಮೆನ್ ರಾತ್ರೋರಾತ್ರಿ ಮಿಲಿಯನೇರ್ ಆಗಿದ್ದಾರೆ. ಆ ಅದೃಷ್ಟವಂತನ ಹೆಸರು ನಾಂಪಲ್ಲಿ ರಾಚಮಲ್ಲಯ್ಯ ಎಂದು ಗುರುತಿಸಲಾಗಿದೆ. ಇವರಿಗೆ 60 ವರ್ಷ ವಯಸ್ಸು. ಕಳೆದ ಮೂರು ದಶಕಗಳಿಂದ ದುಬೈನ ಅಬುಧಾಬಿಯಲ್ಲಿ ಕಟ್ಟಡದ ಕಾವಲುಗಾರನಾಗಿ ಕೆಲಸ ಮಾಡುತ್ತಿದ್ದಾರೆ. ಆಗೊಮ್ಮೆ ಈಗೊಮ್ಮೆ ಬಿಗ್ ಟಿಕೆಟ್ ಹೆಸರಿನ ಲಾಟರಿ ಟಿಕೆಟ್ ಗಳನ್ನು ಖರೀದಿಸುವ ಅಭ್ಯಾಸ ಅವರಿಗಿತ್ತು ಎನ್ನಲಾಗಿದೆ. ಎಂದಿನಂತೆ ಗೆಳೆಯರ ಜೊತೆ ಸೇರಿ ಬಿಗ್ ಟಿಕೆಟ್ ಖರೀದಿಸಿದ್ದರು.
ಈ ಬಾರಿ ಅನಿರೀಕ್ಷಿತವಾಗಿ ಖರೀದಿಸಿದ ಲಾಟರಿ ಟಿಕೆಟ್ ಗೆ ಬಹುಮಾನ ಒಲಿದುಬಂದಿದ್ದು, ರಾಚಮಲ್ಲಯ್ಯನವರ ಆನಂದಕ್ಕೆ ಮಿತಿಯೇ ಇರದಂತಾಗಿದೆ. ಇತ್ತೀಚೆಗೆ ಘೋಷಿಸಲಾದ ಬಿಗ್ ಟಿಕೆಟ್ ಮಿಲಿಯನೇರ್ ಎಲೆಕ್ಟ್ರಾನಿಕ್ ಲಕ್ಕಿ ಡ್ರಾದಲ್ಲಿ ರಾಚಮಲ್ಲಯ್ಯ ವಿಜೇತರಾಗಿ ಹೊರಹೊಮ್ಮಿದ್ದಾರೆ. ಈ ಲಕ್ಕಿ ಡ್ರಾದಲ್ಲಿ ರಾಚಮಲ್ಲಯ್ಯ ಅಂದಾಜು ಎರಡು ಕೋಟಿ ರೂ. ಬಹುಮಾನ ಗೆದ್ದಿದ್ದಾರೆ.
ಕಳೆದ ಮೂವತ್ತು ವರ್ಷಗಳಿಂದ ಈ ರೀತಿ ಲಾಟರಿ ಟಿಕೆಟ್ ಖರೀದಿಸುತ್ತಿದ್ದೇನೆ. ಕೊನೆಗೂ ಅದೃಷ್ಟ ಒಲಿದು ಬಂದಿದೆ ಎಂದು ರಾಚಮಲ್ಲಯ್ಯ ಸಂತಸ ವ್ಯಕ್ತಪಡಿಸಿದ್ದಾರೆ.
Click
