ನ್ಯೂಸ್‌ ನಾಟೌಟ್‌ : ಇಂದು ಮೊಬೈಲ್ ಇಲ್ಲದವರ ಸಂಖ್ಯೆಯೇ ಕಡಿಮೆ ಎಂದು ಹೇಳಬಹುದು.ಮೊಬೈಲ್‌ನ ಅವಶ್ಯಕತೆ ಕೂಡ ಪ್ರತಿಯೊಬ್ಬರಿಗೂ ಇದೆ. ಚಿಕ್ಕ ಮಕ್ಕಳು ಕೂಡ ಮೊಬೈಲ್‌ನಲ್ಲಿ ಬರುವ ಬಣ್ಣ ಬಣ್ಣದ ವಿಡಿಯೋ ನೋಡಿ ಮರುಳಾಗುತ್ತಾರೆ..ಹೀಗೆ ವಿಡಿಯೋ, ರೀಲ್ಸ್, ಫೋಟೋ, ಹಾಡು ಕೇಳಲು ಸೇರಿದಂತೆ ಹಲವು ವಿವಿಧ ಉದ್ದೇಶಗಳಿಗಾಗಿ ಮೊಬೈಲ್ ಬಳಕೆ ಮಾಡಲಾಗುತ್ತದೆ.ಕೆಲವರಂತೂ ಪ್ರತಿವರ್ಷ ಮೊಬೈಲ್ ಬದಲಾಯಿಸುತ್ತಿರುತ್ತಾರೆ. ಎಷ್ಟೇ ಮೊಬೈಲ್ ಬದಲಾದ್ರೂ ಸಂಖ್ಯೆ ಮಾತ್ರ ಅದೇ ಆಗಿರುತ್ತದೆ.ಆದರೆ ನೀವು ಕಳೆದ 5-10 ವರ್ಷಗಳಿಂದ ನೀವು ಒಂದೇ ನಂಬರ್ ಬಳಸುತ್ತಿದ್ರೆ ಈ ಸುದ್ದಿಯನ್ನು ಓದಲೇಬೇಕು ಯಾಕೆ ಗೊತ್ತಾ? ಇಲ್ಲಿದೆ ವರದಿ..
ಹೌದು, ನೀವು ಒಂದೇ ಸಿಮ್ ಕಾರ್ಡ್ ಹೊಂದಿದ್ದು, ದಿನನಿತ್ಯದ ವಹಿವಾಟುಗಳಿಗೆ ಅದೇ ಸಂಖ್ಯೆ ಬಳಕೆ ಮಾಡುತ್ತಿದ್ರೆ ಇತರ ಬಳಕೆಗಾರರಗಿಂತ ನೀವು ತುಂಬಾ ವಿಭಿನ್ನವಾಗಿ ನಿಲ್ಲುತ್ತೀರಿ. ಮೊಬೈಲ್ ಸಂಖ್ಯೆ ಬಳಕೆ ಅವಧಿ ಮೇಲೆ ನಿಮ್ಮ ವ್ಯಕ್ತಿತ್ವವನ್ನು ಗುರುತಿಸಬಹುದು. ಅರೆ ! ಇದೇನಿದು ಇದು ಸಾಧ್ಯನಾ ಅಂತ ಯೋಚನೆಯಾಗುತ್ತಿರಬಹುದು. ಆದರೂ ಇದು ನಿಜ.ಆ ಗುಣಗಳು ಏನು ಎಂಬುದನ್ನು ನೋಡೋಣ ಬನ್ನಿ.
1.ಸಾಲಗಾರರು ಅಲ್ಲ
ಪದೇ ಪದೇ ಸಾಲ ತೆಗೆದುಕೊಂಡು ಸರಿಯಾದ ಸಮಯಕ್ಕೆ ಹಣ ಹಿಂದಿರುಗಿಸದ ವ್ಯಕ್ತಿಗಳು ಆಗಾಗ್ಗೆ ತಮ್ಮ ಮೊಬೈಲ್ ಸಂಖ್ಯೆಯನ್ನು ಬದಲಿಸುತ್ತಿರುತ್ತಾರೆ. ಸಾಲಗಾರರಿಂದ ತಪ್ಪಿಸಿಕೊಳ್ಳಲು ಹೀಗೆ ಮಾಡುತ್ತಿರುತ್ತಾರೆ. ಕಳೆದ 5-10 ವರ್ಷಗಳಿಂದ ಒಂದೇ ಸಂಖ್ಯೆ ಬಳಕೆ ಮಾಡುತ್ತಿದ್ರೆ ನೀವು ಸಾಲಗಾರರು ಅಲ್ಲ ಎಂದರ್ಥ,ಅಥವಾ ನೀವು ಸರಿಯಾಗಿ ಸಾಲ ಪಾವತಿಸುತ್ತಿದ್ದೀರಿ ಎಂದರ್ಥ.
2.ನಂಬಿಕಸ್ಥ
ಒಂದೇ ನಂಬರ್ ಬಳಸುವ ವ್ಯಕ್ತಿ ನಂಬಿಕಸ್ಥ ಎಂದು ನಂಬಬಹುದು. ಕೆಲವರು ಮೊಬೈಲ್ ಕಳೆದುಕೊಂಡರೂ ನಿಯಮಗಳ ಪ್ರಕಾರ, ಅದೇ ಸಂಖ್ಯೆಯ ಸಿಮ್ ಪಡೆದುಕೊಳ್ಳುತ್ತಾರೆ. ಈ ಮೂಲಕ ತಮ್ಮ ಎಲ್ಲಾ ಸಂಪರ್ಕವನ್ನು ಪುನಃ ಸಾಧಿಸಿಕೊಳ್ಳುತ್ತಾರೆ. ಇಂತಹ ವ್ಯಕ್ತಿಗಳು ಯಾರನ್ನೂ ಸಹ ಕಳೆದುಕೊಳ್ಳಲು ಇಷ್ಟಪಡಲ್ಲ. ಸಂಬಂಧಗಳಿಗೆ ಬೆಲೆ ಕೊಡುವ ವ್ಯಕ್ತಿತ್ವ.
3.ಪ್ರಾಮಾಣಿಕತೆ
ಮೊಸ ವಂಚನೆಯ ವ್ಯಕ್ತಿ ನೀವಲ್ಲ.ಎಲ್ಲರೊಂದಿಗೆ ಪ್ರಾಮಾಣಿಕವಾಗಿದ್ದು,ಯಾವುದೇ ಸಂದರ್ಭದಲ್ಲಿ ಪ್ರಾಮಾಣಿಕತೆಯನ್ನು ಯಾವ ವಿಷಯಕ್ಕೂ ರಾಜಿ ಮಾಡಿಕೊಳ್ಳಲ್ಲ ಎಂದರ್ಥ. ಮೋಸ ಮಾಡುವ ಗುಣ ಹೊಂದಿರುವ ವ್ಯಕ್ತಿಗಳು ಅಧಿಕ ಸಿಮ್ ಮತ್ತು ನಂಬರ್ ಬದಲಾಯಿಸುತ್ತಿರುತ್ತಾರೆ.
4.ಆರೋಪ ರಹಿತ ವ್ಯಕ್ತಿ
ನೀವು ಯಾವುದೇ ಕೇಸ್‌ ಗಳಲ್ಲಿ ಇಲ್ಲದೇ ನಿಮ್ಮ ಬೇರೆಯವರ ತಂಟೆಗೆ ಹೋಗದೇ ನಿಮ್ಮ ಪಾಡಿಗೆ ನೀವು ಇರುವವರು.ಹೀಗಾಗಿ ಯಾವುದೇ ಆರೋಪವಿಲ್ಲದ ವ್ಯಕ್ತಿ ಒಂದೇ ಸಂಖ್ಯೆಯನ್ನು ದೀರ್ಘಕಾಲದವರೆಗೆ ಬಳಸುತ್ತಾರೆ. ನಿಮ್ಮ ವಿರುದ್ಧ ಯಾರಿಗೂ ಯಾವುದೇ ದೂರು/ಆರೋಪಗಳಿಲ್ಲ ಎಂದರ್ಥ. ಒಂದೇ ಸಂಖ್ಯೆಯನ್ನು ದೀರ್ಘಕಾಲದವರೆಗೆ ಬಳಸಿದ ವ್ಯಕ್ತಿತ್ವ ಪರಿಶುದ್ಧವಾಗಿರುತ್ತೆ ಎಂದು ನಂಬಬಹುದು.
