ನ್ಯೂಸ್ ನಾಟೌಟ್ : ಸಹೋದರ ಮತ್ತು ಸಹೋದರಿಯ ನಡುವಿನ ಶುದ್ಧ ಬಾಂಧವ್ಯವನ್ನು ಚಿತ್ರಿಸುವ ವೀಡಿಯೊವೊಂದು ಎಲ್ಲೆಡೆ ವೈರಲ್ ಆಗುತ್ತಿದೆ. ಈ ಮುದ್ದಾದ ವಿಡಿಯೋ ೧೬.೮ ಮಿಲಿಯನ್ ಗೂ ಅಧಿಕ ವೀಕ್ಷಣೆ ಪಡೆದಿದೆ.
ವೈರಲ್ ಆಗಿರುವ ವಿಡಿಯೋವನ್ನು ಸಿಸಿಟಿವಿ ಈಡಿಯಟ್ಸ್ ಎಂಬ ಪೇಜ್ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದು, 12 ಸೆಕೆಂಡ್‌ಗಳ ಕ್ಲಿಪ್‌ನಲ್ಲಿ, ಮಳೆ ಬರುತ್ತಿದ್ದರಿಂದ ಬಾಲಕನೊಬ್ಬ ತನ್ನ ತಂಗಿಯನ್ನು ಒದ್ದೆಯಾಗದಂತೆ ತಾನು ತೊಟ್ಟಿದ್ದ ಅಂಗಿಯೊಳಗೆ ಸೇರಿಸಿಕೊಂಡು ಎತ್ತಿಕೊಂಡು ಬಂದು ಕಾರಿನೊಳಗೆ ಕೂರಿಸುವ ದೃಶ್ಯ ಎಲ್ಲೆಡೆ ವೈರಲ್ ಆಗಿದೆ.
ಹಲವರು ನಾನಾ ಬಗೆಯ ಶೀರ್ಷಿಕೆಗಳೊಂದಿಗೆ ಆ ವಿಡಿಯೋವನ್ನು ಹಂಚಿಕೊಂಡಿದ್ದು, ಅಣ್ಣ-ತಂಗಿಯರ ಬಾಂಧವ್ಯಕ್ಕೆ ಎಲ್ಲೆಡೆ ಪ್ರಶಂಸೆ ವ್ಯಕ್ತವಾಗಿದೆ.
