ನಂಬರ್ ಅಳವಡಿಸದ ಬೈಕ್ ನಲ್ಲಿ ಎರಡು ಕೆಜಿ ಗಾಂಜಾ ಸಾಗಾಟ;ಇಬ್ಬರು ಅರೆಸ್ಟ್

ನ್ಯೂಸ್ ನಾಟೌಟ್ : ಕಾಸರಗೋಡಿನ ಮಂಜೇಶ್ವರದಲ್ಲಿ ನಂಬರ್ ಅಳವಡಿಸದ ಬೈಕ್ ನಲ್ಲಿ ಎರಡು ಕಿಲೋ ಗಾಂಜಾ ಸಾಗಾಟ ಮಾಡುತ್ತಿದ್ದ ಸಂದರ್ಭದಲ್ಲಿ ಗಾಂಜಾ ಸಹಿತ ಇಬ್ಬರನ್ನು ಮಂಜೇಶ್ವರ ಪೊಲೀಸರು ಬಂಧಿಸಿದ ಘಟನೆ ನಡೆದಿದೆ.ಮಂಜೇಶ್ವರ ಕುಂಜತ್ತೂರಿನ ಅಲ್ಲಮ ಇಕ್ಬಾಲ್ (20) ಮತ್ತು ಮುಹಮ್ಮದ್ ಫಯಾಜ್ (20) ಬಂಧಿತರು.

ಬೈಕ್‌‌ನಲ್ಲಿ ಬರುತ್ತಿದ್ದ ಇಬ್ಬರನ್ನು ಮಂಜೇಶ್ವರ ಬಳಿ ತಡೆದು ವಿಚಾರಿಸಿದಾಗ ಅಸ್ಪಷ್ಟ ಉತ್ತರ ನೀಡಿದ್ದರು ಎನ್ನಲಾಗಿದೆ.ಅನುಮಾನ ಗೊಂಡ ಪೊಲೀಸರು ಇವರ ಬಳಿ ಇದ್ದ ಪ್ಲಾಸ್ಟಿಕ್ ಕವರನ್ನು ಪರಿಶೀಲಿಸಿದಾಗ ಗಾಂಜಾ ಪತ್ತೆಯಾಗಿದೆ ಎಂದು ತಿಳಿದು ಬಂದಿದೆ.