ನ್ಯೂಸ್‌ ನಾಟೌಟ್: ಬೈಕ್ ಗೆ ಜೀಪ್ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರರಾದ ತಂದೆ ಮಗಳು ಗಾಯಗೊಂಡ ಘಟನೆ ಮೇ.೮ರಂದು ಸಂಭವಿಸಿದೆ. ಕಡಬ ತಾಲೂಕಿನ ಕೌಕ್ರಾಡಿ ಗ್ರಾಮದ ಸೌತಡ್ಕ ಕ್ರಾಸ್‌ ನಿವಾಸಿ ಇ.ಪಿ. ಚಾಕೋ (57) ಹಾಗೂ ಪುತ್ರಿ ಸ್ನೇಹ ಚಾಕೋ ಗಾಯಗೊಂಡವರು.
ಬೆಳಗ್ಗಿನ ವೇಳೆ ಕೊಕ್ಕಡ ಜೋಡುಮಾರ್ಗದಲ್ಲಿ ಈ ಘಟನೆ ಸಂಭವಿಸಿದ್ದು, ಬೈಕ್ ಪಟ್ರಮೆ ಕಡೆಗೆ ಹೋಗುತ್ತಿತ್ತು. ಈ ವೇಳೆ ಕೊಕ್ಕಡ ಜೋಡುಮಾರ್ಗದ ಬಳಿ ತಲುಪುತ್ತಿದ್ದಂತೆ ಮಣ್ಣುರಸ್ತೆಯಲ್ಲಿ ನಿಲ್ಲಿಸಿದ್ದ ಜೀಪನ್ನು ಅದರ ಚಾಲಕ ಕುಶಾಲಪ್ಪ ಗೌಡರು ಒಮ್ಮೆಲೇ ರಸ್ತೆಗೆ ಚಲಾಯಿಸಿದ ಪರಿಣಾಮ ಬೈಕ್ ನ ಬಲಬದಿಗೆ ಢಿಕ್ಕಿ ಹೊಡೆಯಿತು ಎನ್ನಲಾಗಿದೆ.
