ನ್ಯೂಸ್ ನಾಟೌಟ್ : ಹಾಸನ ಮೂಲದ ವೃದ್ದೆಯೊಬ್ಬರು ಮನೆ ಬಿಟ್ಟು ತಪ್ಪಿಸಿಕೊಂಡು ಕೊಕ್ಕಡ ಪ್ರದೇಶದಲ್ಲಿ ಕಾಣಿಸಿಕೊಂಡ ಘಟನೆ ನಡೆದಿದೆ.ಅಜ್ಜಿಯ ಅಸಹಾಯಕತೆ ಕಂಡು ಬೆಳ್ತಂಗಡಿ ತಾಲೂಕಿನ ಕೊಕ್ಕಡ ಗ್ರಾಮದ ಯುವಕರ ಮನಮಿಡಿದಿದೆ.ಕೂಡಲೇ ಕೆಲ ಯುವಕರು ಸೇರಿ ಅಜ್ಜಿಗೆ ನೆರವಾದರು.
ಕೊಕ್ಕಡದಿಂದ ಸುಮಾರು ೪ ಕಿ.ಮೀ ದೂರವಿರುವ ಆಲಂಬಿಲ ಎಂಬಲ್ಲಿ ಹಾಸನದ ವೃದ್ಧೆಯೋರ್ವರು ಕಾಣಿಸಿಕೊಂಡಿದ್ದರು. ಅವರನ್ನು ವಿಚಾರಿಸಿದಾಗ ಮನೆ ಬಿಟ್ಟು ಬಂದು ದಾರಿ ತಪ್ಪಿಹೋಗಿರುವುದಾಗಿ ತಿಳಿದು ಬಂದಿದೆ.ಕಂಗಾಲಾಗಿದ್ದ ಅಜ್ಜಿಯನ್ನು ಯುವಕರ ತಂಡ ಯೋಗ್ಯ ಸ್ಥಳಕ್ಕೆ ಕರೆದುಕೊಂಡು ಹೋದರು.ವೃದ್ದೆಯ ಹೆಸರು ಬೋರಮ್ಮ ಎಂದು ತಿಳಿದುಬಂದಿದೆ.ಆದರೆ ಇವರು ಯಾವ ಕಾರಣದಿಂದ ಮನೆಬಿಟ್ಟು ಬಂದಿದ್ದಾರೆ.ಹಾಸನದಲ್ಲಿ ಇವರ ಮನೆ ಎಲ್ಲಿ ಅನ್ನುವುದು ಇನ್ನಷ್ಟೇ ತಿಳಿದು ಬರಬೇಕಿದೆ.
ಕೊಕ್ಕಡದ ಪ್ರಸಾದ್ ಆಲಡ್ಕ, ಗ್ರಾ.ಪಂ ಅಧ್ಯಕ್ಷ ಯೋಗೀಶ್ ಆಲಂಬಿಲ, ದೀಪಕ್ ಎಂಬವರು ಪೊಲೀಸರಿಗೆ ವಿಷಯ ತಿಳಿಸಿದರು. ಕೂಡಲೇ ಉಪ್ಪಿನಂಗಡಿ ಪೊಲೀಸರು ಭೇಟಿ ನೀಡಿದ್ದಾರೆ ಎಂದು ತಿಳಿದುಬಂದಿದೆ.
