ನ್ಯೂಸ್ ನಾಟೌಟ್: ಶ್ರೀ ಶಾರದಾಂಬಾ ಉತ್ಸವ ದಸರಾ 2023 ಶೋಭಾಯಾತ್ರೆ ಸುಳ್ಯದ ಮುಖ್ಯಪೇಟೆಯಲ್ಲಿ ಅದ್ಧೂರಿಯಾಗಿ ಶನಿವಾರ ಸಾಗಿ ಬಂದಿತು. ವೈಭದ ಶೋಭಾಯಾತ್ರೆಗೆ ಶಾಸಕಿ ಭಾಗೀರಥಿ ಮುರುಳ್ಯ ಚಾಲನೆ ನೀಡಿದರು. ಈ ಶೋಭಾಯಾತ್ರೆಯಲ್ಲಿ ಸ್ವಾತಂತ್ರ್ಯ ಹೋರಾಟಗಾರ ಕೆದಂಬಾಡಿ ರಾಮಯ್ಯ ಗೌಡರ ಸ್ಥಬ್ಧಚಿತ್ರ ಸೇರಿದಂತೆ ಹಲವಾರು ಸ್ಥಬ್ಧಚಿತ್ರಗಳು ಗಮನ ಸೆಳೆದವು.
ಈ ಶೋಭಾಯಾತ್ರೆಗೆ ಚೆನ್ನಕೇಶವ ದೇವಸ್ಥಾನದ ಬಳಿಯಿಂದ ಚಾಲನೆ ನೀಡಲಾಗಿತ್ತು. ಹುಲಿ ಕುಣಿತ, ಕುಣಿತ ಭಜನೆ, ನಾಸಿಕ್ ಬ್ಯಾಂಡ್, ಆಕರ್ಷಕ ಸಿಡಿಮದ್ದು ಅಬ್ಬರದೊಂದಿಗೆ ಹೊರಟಿತು. ಎ.ಪಿ.ಎಂ.ಸಿ., ವಿವೇಕಾನಂದ ವೃತ್ತ , ಜ್ಯೂನಿಯರ್ ಕಾಲೇಜು ರಸ್ತೆ, ಜ್ಯೋತಿ ಸರ್ಕಲ್ ಮೂಲಕ ಹಳೆಗೇಟು ತನಕ ಸಾಗಲಿದೆ. ಅಲ್ಲಿಂದ ಮರಳಿ ಸುಳ್ಯದ ಪ್ರಮುಖ ರಸ್ತೆಯಾಗಿ ಗಾಂಧಿನಗರ, ಕಾಯರ್ತೋಡಿ ವಿಷ್ಣು ಸರ್ಕಲ್ ತನಕ ಸಾಗಿ ಕಾಂತಮಂಗಲದ ಬಳಿ ಪಯಸ್ವಿನಿ ನದಿಯಲ್ಲಿ ವಿಸರ್ಜನೆ ನಡೆಯಲಿದೆ.
