ನ್ಯೂಸ್ ನಾಟೌಟ್: ಸುಳ್ಯದ ನೆಹರೂ ಮೆಮೋರಿಯಲ್ ಕಾಲೇಜಿನ ಹಳೆ ವಿದ್ಯಾರ್ಥಿ, ಮಂಗಳೂರು ಮಹಾನಗರ ಪಾಲಿಕೆಯ ಆರೋಗ್ಯ ಇಲಾಖೆಯ ಉದ್ಯೋಗಿ ವಿಜಯ್ ಚಂದ್ರ ಭಾನುವಾರ (ಆ.೨೦) ನಿಧನರಾಗಿದ್ದಾರೆ.
ಅವರಿಗೆ 39 ವರ್ಷ ವಯಸ್ಸಾಗಿತ್ತು. ಅಲ್ಪ ಕಾಲದ ಅನಾರೋಗ್ಯದಿಂದ ಬಳಲುತ್ತಿದ್ದರು. ಆಲೆಟ್ಟಿ ಗ್ರಾಮದ ಕುಂಭಕೋಡು ನಿವಾಸಿ ವಿಜಯ್ ಚಂದ್ರ ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು. ಮೃತರು ತಂದೆ, ತಾಯಿ, ಸಹೋದರರಾದ ವಿನಯ್ ಚಂದ್ರ, ಅಜಯ್ ,ಮುರಳಿ ಕುಂಭಕೋಡು ಹಾಗೂ ಬಂಧು ಮಿತ್ರರನ್ನು ಅಗಲಿದ್ದಾರೆ. ವಿಜಯ್ ಚಂದ್ರ ಅವಿವಾಹಿತರಾಗಿದ್ದರು. ಕಾಲೇಜು ದಿನಗಳಿಂದಲೇ ಹಾಸ್ಯದ ಮೂಲಕವೇ ಸುತ್ತಲಿನ ಮಿತ್ರರ ಹೃದಯ ಗೆದ್ದಿದ್ದರು. ಮೃದು ಸ್ವಭಾವದ ವಿಜಯ್ ಚಂದ್ರ ಇದ್ದಲ್ಲಿ ನಗು ಸದಾ ಸುತ್ತುತ್ತಿತ್ತು. ಅಂತಹ ಸ್ನೇಹಿತನ ಕಳೆದುಕೊಂಡ ಮಿತ್ರ ವರ್ಗ ಇದೀಗ ಅತೀವ ನೋವನ್ನು ವ್ಯಕ್ತಪಡಿಸುತ್ತಿದ್ದಾರೆ.
