ನ್ಯೂಸ್ ನಾಟೌಟ್: ಸುಳ್ಯದ ಹಳೇಗೇಟು ಪೆಟ್ರೋಲ್ ಪಂಪ್ ಸಮೀಪ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬಿದ್ದು ಸಿಕ್ಕಿದ ಪರ್ಸ್ ಅನ್ನು ವಾರಿಸುದಾರರಿಗೆ ನ್ಯೂಸ್ ನಾಟೌಟ್ ಕಚೇರಿಯಲ್ಲಿ ಶನಿವಾರ (ಅ.19) ಹಿಂತಿರುಗಿಸಲಾಗಿದೆ.
ಕೆವಿಜಿ ಸಂಸ್ಥೆಯ ಎಚ್ ಟಿ ವಿಭಾಗದ ಇಲೆಕ್ಟ್ರಿಷಿಯನ್ ನವೀನ್ ಕುಮಾರ್‌ ಕೆ.ವಿ. ಎಂಬವರಿಗೆ 2 ಸಾವಿರಕ್ಕೂ ಹೆಚ್ಚು ಹಣವಿದ್ದ ಪರ್ಸ್ ಬಿದ್ದು ಸಿಕ್ಕಿತ್ತು. ಅದರಲ್ಲಿ ಮಹತ್ವದ ದಾಖಲಾತಿ ಪ್ರತಿಗಳು, ನಾಲ್ಕು ಎಟಿಎಂ ಕಾರ್ಡ್ ಇತ್ತು. ಇದನ್ನು ಅವರು ನ್ಯೂಸ್ ನಾಟೌಟ್ ಕಚೇರಿಗೆ ತಂದು ವಾರಿಸುದಾರರಿಗೆ ಕೊಡುವಂತೆ ತಿಳಿಸಿದ್ದರು. ಅಂತೆಯೇ ನಮ್ಮಲ್ಲಿ ನ್ಯೂಸ್ ಪ್ರಕಟಿಸಲಾಗಿತ್ತು. ಇದಾಗಿ ಮೂರೇ ನಿಮಿಷಕ್ಕೆ ವಾರಿಸುದಾರರಾದ ಸುಳ್ಯದ ಹಳೆಗೇಟಿನ ಭಾರತ್ ಅಲ್ಯುಮೀನಿಯಂ ವರ್ಕ್ಸ್ ಇದರ ಮಾಲೀಕ ಅಬೂಬಕ್ಕರ್ ಅವರು ಕಚೇರಿಗೆ ಬಂದು ನವೀನ್ ಕುಮಾರ್‌ ಕೆ.ವಿ ಮೂಲಕ ಕಳೆದುಕೊಂಡಿದ್ದ ಪರ್ಸ್ ಅನ್ನು ಪಡೆದುಕೊಂಡಿದ್ದಾರೆ. ಇದೀಗ ನವೀನ್ ಅವರ ಪ್ರಮಾಣಿಕ ಕೆಲಸಕ್ಕೆ ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗಿದೆ.
