ಸುಳ್ಯ: ಫೆವಿಕಲ್ ಗಮ್ ಅನ್ನೇ ಮಾದಕ ದ್ರವ್ಯವಾಗಿ ಸೇವಿಸುತ್ತಿದ್ದ ಅಪ್ರಾಪ್ತ ಬಾಲಕರು ಸುಳ್ಯದಲ್ಲಿ ಪೊಲೀಸ್ ಕೈಗೆ ಸಿಕ್ಕಿ ಬಿದ್ದಿದ್ದಾರೆ. ಬಾಲಕರು ಒಟ್ಟು ಸೇರಿ ಜಯನಗರದ ಮನೆಯೊಂದರಲ್ಲಿ ಫೆವಿಕಲ್ ಗಮ್ ನ ವಾಸನೆಯನ್ನು ಸೇವಿಸುತ್ತಿದ್ದರು ಎನ್ನಲಾಗಿದೆ. ಈ ವೇಳೆ ಸ್ಥಳೀಯರು ಬಾಲಕರನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ.
ಅಚ್ಚರಿಯ ವಿಷಯವೆನೆಂದರೆ 9 ಮತ್ತು 10 ವರ್ಷದ ಮಕ್ಕಳು ಇಂತಹ ವ್ಯಸನದ ಚಟಕ್ಕೆ ಬಿದ್ದಿರುವುದಾಗಿದೆ. ಪೊಲೀಸರು ಮಕ್ಕಳಿಗೆ ಬುದ್ಧಿವಾದ ಹೇಳಿ ಬಳಿಕ ಬಿಟ್ಟು ಕಳುಹಿಸಿದರು ಎನ್ನಲಾಗಿದೆ
