ಸುಳ್ಯ: ಇಲ್ಲಿನ ರಥ ಬೀದಿಯ ಸಮೀಪದಲ್ಲಿರುವ ಹಳೆ ಸಿನಿಮಾ ಟಾಕೀಸ್ ನ ವಠಾರದಲ್ಲಿ ಮೃತದೇಹವೊಂದು ನಿನ್ನೆ ಪತ್ತೆಯಾಗಿದೆ. ಸುಳ್ಯ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಮರಣೋತ್ತರ ಪರೀಕ್ಷೆಗಾಗಿ ಕಳಿಸಿಕೊಡಲಾಗಿದೆ.
ಮೃತರು ಅಜ್ಜಾವರ ಗ್ರಾಮದ ಕಾಟಿಪಳ್ಳ ನಿವಾಸಿ ಮಾಯಿಲಪ್ಪ ಎಂದು ತಿಳಿದು ಬಂದಿದೆ. ಮಾಯಿಲಪ್ಪ ಅವರು ಕೆಲವು ಸಮಯದಿಂದ ಅನಾರೋಗ್ಯದಿಂದ ಬಳಲುತ್ತಿದ್ದರು, ಕುಡಿತದ ಚಟವೂ ಇತ್ತು ಎನ್ನಲಾಗಿದೆ. ಮಾಯಿಲಪ್ಪ ಅವರು ಮಲಗಿದ್ದಲ್ಲಿಯೇ ಮೃತಪಟ್ಟಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ಇನ್ನಷ್ಟೇ ಖಚಿತವಾಗಿ ತಿಳಿದು ಬರಬೇಕಿದೆ.
