ಅರಂತೋಡು: ಕಾರು-ಬೈಕ್ ನಡುವೆ ಡಿಕ್ಕಿ, ಚೆಂಬು ಮೂಲದ ಬೈಕ್ ಸವಾರನಿಗೆ ಗಾಯ

ನ್ಯೂಸ್ ನಾಟೌಟ್: ಬೈಕ್ -ಕಾರು ನಡುವೆ ಸುಳ್ಯ ತಾಲೂಕಿನ ಅರಂತೋಡು ಸಮೀಪ ಶನಿವಾರ (ಜೂ.1) ಮಧ್ಯಾಹ್ನ ಅಪಘಾತ ಸಂಭವಿಸಿದೆ.

ಸುಳ್ಯದ ಕಡೆಯಿಂದ ಮಡಿಕೇರಿಗೆ ಚಲಿಸುತ್ತಿದ್ದ ಮಾರುತಿ 800 ಕಾರು ಮತ್ತು ಮಡಿಕೇರಿ ಕಡೆಯಿಂದ ಸುಳ್ಯದ ಕಡೆಗೆ ಬರುತ್ತಿದ್ದ ಬೈಕ್ ನಡುವೆ ಅಪಘಾತ ಸಂಭವಿಸಿದೆ. ಅರಂತೋಡು ಸೊಸೈಟಿಯ ಸಮೀಪವಿರುವ ಭಜನ ಮಂದಿರದ ಎದುರಲ್ಲಿ ಅಪಘಾತವಾಗಿದೆ. ಬೈಕ್ ಸವಾರ ಕೊಡಗು ಜಿಲ್ಲೆಯ ಚೆಂಬು ಮೂಲದವರು ಎಂದು ತಿಳಿದು ಬಂದಿದೆ, ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.