ನ್ಯೂಸ್‌ ನಾಟೌಟ್: ಲ್ಯಾಪ್‌ಟಾಪ್ ಬಳಸುವಾಗ ಚಾರ್ಜಿಂಗ್ ಒಂದು ಪ್ರಮುಖ ಸಮಸ್ಯೆಯಾಗಿದ್ದು, ಚಾರ್ಜ್ ಖಾಲಿಯಾದರೆ ಕೆಲಸ ಮಾಡಲು ಸಾಧ್ಯವಿಲ್ಲ.ಸದ್ಯ ಲೆನೊವೊ ಇದಕ್ಕೆ ಕಡಿವಾಣ ಹಾಕಿದೆ. ಇದು ಚಾರ್ಜ್ ಮಾಡುವ ಅಗತ್ಯವಿಲ್ಲದ ಅದ್ಭುತ ಆವಿಷ್ಕಾರವನ್ನು ತಂದಿದೆ. ಇಲ್ಲಿಯವರೆಗೆ ನಾವು ಅನೇಕ ಸೌರಶಕ್ತಿ ಚಾಲಿತ ವಸ್ತುಗಳನ್ನು ನೋಡಿದ್ದೇವೆ. ಇನ್ನು ಮುಂದೆ, ಲೆನೊವೊ ಲ್ಯಾಪ್‌ಟಾಪ್ ಸಹ ಸೌರಶಕ್ತಿಯ ಮೇಲೆ ಕಾರ್ಯನಿರ್ವಹಿಸುತ್ತದೆ. ಇದಕ್ಕಾಗಿ ನಿರ್ದಿಷ್ಟವಾಗಿ ಸೌರ ಫಲಕಗಳನ್ನು ಸರಿಪಡಿಸುವ ಅಗತ್ಯವಿಲ್ಲ. ಲ್ಯಾಪ್‌ಟಾಪ್ ಪರದೆಯ ಮೇಲಿರುವ ಸಂಪೂರ್ಣ ಫಲಕವನ್ನು ಸೌರ ಫಲಕವಾಗಿ ಪರಿವರ್ತಿಸಲಾಗಿದೆ.
ಆದರೆ ಒಂದು ಸಣ್ಣ ಡೌಟ್ ನಿಮ್ಮನ್ನು ಕಾಡದಿರದು. ಈ ಲ್ಯಾಪ್‌ಟಾಪ್ ಹಿಡಿದುಕೊಂಡು ಬಿಸಿಲಿನಲ್ಲಿ ಕುಳಿತುಕೊಳ್ಳಬೇಕೇ? ಎಂದು.ಅಂತಹ ಅವಶ್ಯಕತೆ ಇಲ್ಲ. ಈ ಲ್ಯಾಪ್‌ಟಾಪ್ ಅನ್ನು ನಿಮ್ಮ ಮನೆ ಅಥವಾ ಕಚೇರಿಯ ಬೆಳಕಿನಿಂದಲೇ ಚಾರ್ಜ್ ಮಾಡಬಹುದು. ಒಂಬತ್ತು ಗಂಟೆಗಳ ಕಾಲ ಪೂರ್ಣ ಒಳಾಂಗಣ ಬೆಳಕಿನ ನಂತರ ಇದು ಸಂಪೂರ್ಣವಾಗಿ ಚಾರ್ಜ್ ಆಗುತ್ತದೆ. ಸೌಮ್ಯವಾದ ಸೂರ್ಯನ ಬೆಳಕಿನಲ್ಲಿ, ಕೇವಲ ಎರಡು ಗಂಟೆಗಳಲ್ಲಿ ಪೂರ್ಣ ಚಾರ್ಜ್ ಪೂರ್ಣಗೊಳ್ಳುತ್ತದೆ. ಇದನ್ನು ಬಿಸಿಲಿನಲ್ಲೇ ಇಡುವ ಅಗತ್ಯವಿಲ್ಲ. ನಾವು ಕೆಲಸ ಮಾಡುತ್ತಿರುವವರೆಗೆ, ನಮ್ಮ ಮುಂದೆ ಬೆಳಕು ಇರುವವರೆಗೆ, ಅದು ಅಲ್ಲಿಂದ ಚಾರ್ಜ್ ಆಗುತ್ತಲೇ ಇರುತ್ತದೆ.
ಇದು ಆಗಾಗ್ಗೆ ಪ್ರಯಾಣಿಸುವವರಿಗೆ, ಗ್ರಾಹಕರನ್ನು ಭೇಟಿ ಮಾಡಿ ಪ್ರಸ್ತುತಿಗಳನ್ನು ನೀಡುವ ಕಾರ್ಯನಿರ್ವಾಹಕರಿಗೆ ಮತ್ತು ಒಂದೇ ಸ್ಥಳದಲ್ಲಿ ಕುಳಿತುಕೊಳ್ಳದೆ ಹೆಚ್ಚಾಗಿ ಟ್ರಾವೆಲಿಂಗ್ ಮಾಡುವವರಿಗೆ ತುಂಬಾ ಉಪಯುಕ್ತ ಇದಾಗಿದ್ದು, ಇದೀಗ, ಲೆನೊವೊ ಇದನ್ನು ಅಮೆರಿಕ, ಚೀನಾ ಮತ್ತು ಯುರೋಪಿಯನ್ ಮಾರುಕಟ್ಟೆಗಳಲ್ಲಿ ಪರಿಚಯಿಸಿದೆ. ಇದು ಕೆಲವೇ ದಿನಗಳಲ್ಲಿ ಭಾರತೀಯ ಮಾರುಕಟ್ಟೆಗೆ ಬರುವ ಸಾಧ್ಯತೆಯಿದೆ. ಪ್ರಸ್ತುತ, ಇದರ ಬೆಲೆ ರೂ. 1,75,000 ಆಗಿದೆ.ಸೌರಶಕ್ತಿಯಿಂದ ಸಾಧನಗಳನ್ನು ಚಾರ್ಜ್ ಮಾಡುವ ವಿಧಾನ ಹೊಸದೇನಲ್ಲ. ಈ ಪರಿಕಲ್ಪನೆಯನ್ನು ಸ್ಮಾರ್ಟ್‌ಫೋನ್‌ಗಳಲ್ಲಿ ಪ್ರದರ್ಶಿಸಲಾಗಿದೆ, ಆದರೆ ಅದು ಹೆಚ್ಚಿನ ಯಶಸ್ಸನ್ನು ಪಡೆದಿಲ್ಲ. ಇದಕ್ಕೆ ಕಾರಣ ಸೀಮಿತ ಪ್ರಮಾಣದ ಶಕ್ತಿ ಉತ್ಪಾದನೆ. ಸೌರಶಕ್ತಿಯನ್ನು ಬಳಸಿಕೊಂಡು ಸ್ಮಾರ್ಟ್‌ಫೋನ್ ಚಾರ್ಜ್ ಮಾಡಲು ಹೆಚ್ಚು ಸಮಯ ತೆಗೆದುಕೊಂಡಿದೆ. ಈ ತಂತ್ರಜ್ಞಾನವನ್ನು ಲ್ಯಾಪ್‌ಟಾಪ್‌ನಲ್ಲಿ ಪ್ರದರ್ಶಿಸುವ ಮೂಲಕ, ಅಗತ್ಯವಿದ್ದಾಗ ಸಾಧನಗಳನ್ನು ಚಾರ್ಜ್ ಮಾಡಲು ಸೌರಶಕ್ತಿಯು ಒಂದು ಆಯ್ಕೆಯಾಗಿರಬಹುದು ಎಂದು ಲೆನೊವೊ ತೋರಿಸಲು ಹೊರಟಿದೆ.
