ನ್ಯೂಸ್ ನಾಟೌಟ್ :ಕೆಲವೊಮ್ಮೆ ಕ್ಯಾಮರಾ ಮುಂದೆ ಏನೆಲ್ಲಾ ಅವಾಂತರಗಳಾಗುತ್ತಲೇ ಇರುತ್ತವೆ.ಇಂತಹ ಅದೆಷ್ಟೋ ಘಟನೆಗಳನ್ನು ನಾವು ಕಂಡಿದ್ದೇವೆ.ಕೆಲವೊಂದು ವಿಡಿಯೋಗಳು ಸಕತ್ ವೈರಲ್ ಕೂಡ ಆಗುತ್ತವೆ.ಇದೀಗ ಇಲ್ಲೊಂದು ವಿಡಿಯೋ ಅದಕ್ಕೆ ಸಾಕ್ಷಿಯಾಗಿದೆ.ಮಾತ್ರವಲ್ಲ ಸಾಮಾಜಿಕ ಜಾಲತಾಣಗಳಲ್ಲಿಯೂ ಈ ವಿಡಿಯೋ ಭಾರಿ ವೈರಲ್ ಆಗಿವೆ.
ಇಲ್ಲಿ ತೆಲುಗು ಟಿವಿ ಆ್ಯಂಕರ್ ಒಬ್ಬಳು ಪ್ರಶ್ನೆ ಕೇಳಿ ಪೇಚಿಗೆ ಸಿಲುಕಿಕೊಂಡಿದ್ದಾಳೆ.ಸಂದರ್ಶನಕ್ಕೆಂದು ಬಂದ ನಟನನ್ನು ಪ್ರಶ್ನೆ ಮಾಡುತ್ತಿದ್ದಂತೆ ಕಾಲೆಳೆದ ಪ್ರಸಂಗವೂ ನಡೆದಿದೆ.ಹೌದು,ಮಲಯಾಳಂ ನಟ ಶೈನ್ ಟಾಮ್ ಚಾಕೋ, ಕ್ಯಾಮೆರಾ ಮುಂದೆಯೇ ತಮ್ಮ ಬಟ್ಟೆಗಳನ್ನು ಬಿಚ್ಚಲು ಯತ್ನಿಸುವುದರೊಂದಿಗೆ ಮಹಿಳಾ ಆ್ಯಂಕರ್, ಕಕ್ಕಾಬಿಕ್ಕಿಯಾಗುವಂತೆ ಮಾಡಿದ ಪ್ರಸಂಗ ಜರುಗಿದೆ.
ರಂಗಬಾಲಿ ನಿರ್ದೇಶಕ ಪವನ್ ಬಾಸಮಸೆಟ್ಟಿ ಮತ್ತು ಶೈನ್ ಒಟ್ಟಿಗೆ ಸಂದರ್ಶನಕ್ಕೆ ಆಗಮಿಸಿದ್ದರು. ಒಂದು ಹಂತದಲ್ಲಿ ಆ್ಯಂಕರ್, ಶೈನ್ ಧರಿಸಿದ್ದ ಶರ್ಟ್ ಕುರಿತು ಕಾಮೆಂಟ್ ಮಾಡಿದ್ದರು. ದಿಢೀರನೇ ಶೈನ್ ಅವರು ಶರ್ಟ್ ಬಟನ್ ಬಿಚ್ಚಲು ಆರಂಭಿಸಿದರು. ಈ ವೇಳೆ ಪಕ್ಕದಲ್ಲಿ ಕುಳಿತಿದ್ದ ಪವನ್ ಅವರನ್ನು ತಡೆಯಲು ಯತ್ನಿಸಿದರು. ಆದರೆ, ಆ್ಯಂಕರ್ ಶೈನ್ರನ್ನು ಹುರಿದುಂಬಿಸುವ ಮೂಲಕ ಕಾಲೆಳೆಯಲು ಯತ್ನಿಸಿದರು. ಸದ್ಯ ಈ ವಿಡಿಯೋ ಭಾರಿ ವೈರಲ್ ಆಗಿದೆ.
ಯಾವಾಗ ಶೈನ್ ಪ್ಯಾಂಟ್ ಬಿಚ್ಚಲು ಮೇಲೆ ಏಳಲು ಪ್ರಯತ್ನಿಸಿದರೋ ಆ್ಯಂಕರ್ ಒಂದು ಕ್ಷಣ ಕಕ್ಕಾಬಿಕ್ಕಿಯಾದರು. ತಮ್ಮ ಮಾತನ್ನು ಹಿಂಪಡೆದು ಶೈನ್ ಅವರನ್ನು ತಡೆದರು. ಈ ವೇಳೆ ಶೈನ್ ಸುಮ್ಮನೆ ಕುಳಿತುಕೊಂಡಿದ್ದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ.
ಮಲಯಾಳಂ ಸಿನಿಮಾ ರಂಗದಲ್ಲಿ ಖಳನಾಯಕನ ಪಾತ್ರಗಳಲ್ಲಿ ಮಿಂಚುತ್ತಿರುವ ಶೈನ್, ಅನೇಕ ಸಂದರ್ಶನಗಳಲ್ಲಿ ಕೀಟಲೆಗಳನ್ನು ಮಾಡುವ ಮೂಲಕ ಹಾಸ್ಯ ಚಟಾಕಿ ಹಾರಿಸುತ್ತಲೇ ಇರುತ್ತಾರೆ. ಈ ವಿಡಿಯೋ ಅದಕ್ಕೆ ಸಾಕ್ಷಿಯಾಗಿದೆ.
