ನ್ಯೂಸ್ ನಾಟೌಟ್: ಖ್ಯಾತ ಕ್ರಿಕೆಟರ್, ಬಿಸಿಸಿಐನ ಮಾಜಿ ಅಧ್ಯಕ್ಷ ಸೌರವ್ ಗಂಗೂಲಿ ಅವರ ಸಹೋದರ ಹಾಗೂ ಅವರ ಹೆಂಡತಿ ಪುರಿಯ ಬೀಚ್ನಲ್ಲಿ ಕೂದಲೆಳೆ ಅಂತರದಲ್ಲಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಭಾರತದ ಕ್ರಿಕೆಟ್ ತಂಡದ ಮಾಜಿ ನಾಯಕ ಸೌರವ್ ಗಂಗೂಲಿಯ ಸಹೋದರ ಸ್ನೇಹಶಿಶ್ ಗಂಗೂಲಿ ಹಾಗೂ ಅವರ ಹೆಂಡತಿ ಅರ್ಪಿತಾ ರಜೆ ಎಂಜಾಯ್ ಮಾಡಲು ಒಡಿಶಾದ ಪುರಿ ಬೀಚ್ ಗೆ ಹೋಗಿದ್ದರು. ಈ ವೇಳೆ ಸಮುದ್ರದಲ್ಲಿ ವಾಟರ್ ಸ್ಪೋರ್ಟ್ಸ್ ಗೇಮ್ ನಲ್ಲಿ ಸ್ಪೀಡ್ ಬೋಟ್ ಆಡುವಾಗ, ಅದು ಮುಗುಚಿ ಬಿದ್ದಿದೆ. ನೀರಿನಲ್ಲಿ ಜೀವ ಭಯದಿಂದ ರಕ್ಷಣೆಗಾಗಿ ಇಬ್ಬರು ಮುಳುಗುತ್ತ ಕೂಗುತ್ತಿದ್ದರು. ಆಗ ತಕ್ಷಣ ಲೈಫ್ ಗಾರ್ಡ್ಸ್ ಈಜಿ ಹೋಗಿ ಸಮುದ್ರದಲ್ಲಿ ಸ್ನೇಹಶಿಶ್ ಹಾಗೂ ಹೆಂಡತಿ ಅರ್ಪಿತಾ ಅವರನ್ನು ರಕ್ಷಣೆ ಮಾಡಿ, ದಡಕ್ಕೆ ಕರೆದುಕೊಂಡು ಬಂದಿದ್ದಾರೆ ಎಂದು ಹೇಳಲಾಗುತ್ತಿದೆ.
Sourav Ganguly’s brother Snehashish Ganguly, and his wife Arpita rescued in Puri beach after their speedboat capsizes pic.twitter.com/D5TLWDwT7T
— Abhishek Tripathi / अभिषेक त्रिपाठी (@abhishereporter) May 26, 2025
ಈ ಕುರಿತು ಮಾತನಾಡಿದ ಅರ್ಪಿತಾ ಅವರು, “ಬೋಟ್ನಲ್ಲಿ 10 ಪ್ರವಾಸಿಗರು ತೆರಳುವಂತಹದ್ದು, ಆದ್ರೆ ಹಣದಾಸೆಗೆ ಅದರಲ್ಲಿ ಕೇವಲ 3, 4 ಜನರಿಗಾಗಿ ಬೋಟ್ ಅನ್ನು ಸಮುದ್ರಕ್ಕೆ ಇಳಿಸಿದರು. ಗಾಳಿ ಹಾಗೂ ಸಮುದ್ರದ ಅಲೆಗಳ ಹೊಡೆತ ಜೋರಾಗಿದ್ದರಿಂದ ಹಗುರವಾಗಿದ್ದ ಬೋಟ್ ತಕ್ಷಣ ಮುಗುಚಿ ಬಿದ್ದಿದೆ. ಇದೇ ಕೊನೆಯ ಬೋಟ್ ಆಗಿದೆ ಎಂದು ಸಿಬ್ಬಂದಿ ಹೇಳಿದರು. ಇದಕ್ಕೆ ನಾವು ವಿರೋಧ ವ್ಯಕ್ತಪಡಿಸಿದರೂ ಪರವಾಗಿಲ್ಲ ಬನ್ನಿ ಎಂದಿದ್ದರು. ಹೀಗಾಗಿ ಈ ಬೋಟ್ನಲ್ಲಿ ನಾವು ತೆರಳಿದ್ದೇವು” ಎಂದು ಹೇಳಿದ್ದಾರೆ.
“ಸಮಯಕ್ಕೆ ಸರಿಯಾಗಿ ಲೈಫ್ ಗಾರ್ಡ್ಸ್ ಬಂದಿಲ್ಲ ಎಂದರೆ ನಾವು ಜೀವ ಸಮೇತ ಹೊರಗೆ ಬರುತ್ತಿರಲಿಲ್ಲ. ಈಗಲೂ ನಾನು ಆ ಘಟನೆಯಿಂದ ಹೊರ ಬರಲು ಆಗುತ್ತಿಲ್ಲ. ಇಂತಹ ಘಟನೆಯನ್ನು ನಾನು ಎಂದಿಗೂ ಎದುರಿಸಿರಲಿಲ್ಲ. ಆದರೆ ಒಂದು ವೇಳೆ ಬೋಟ್ ನಲ್ಲಿ ನಿಗದಿತ ಪ್ರವಾಸಿಗರು ಇದ್ದಿದ್ದರೇ ಇಂತಹ ಘಟನೆ ಸಂಭವಿಸುತ್ತಿರಲಿಲ್ಲ. ಪಶ್ಚಿಮ ಬಂಗಾಳಕ್ಕೆ ತೆರಳಿದ ಮೇಲೆ ಸಿಎಂ ಅವರಿಗೆ ಪತ್ರ ಬರೆದು, ಇಂತಹ ಬೋಟ್ ಅನ್ನು ಸ್ಥಗಿತ ಮಾಡುವಂತೆ ಮನವಿ ಮಾಡುತ್ತೇನೆ” ಎಂದು ಹೇಳಿದ್ದಾರೆ ಎನ್ನಲಾಗಿದೆ.
