ನ್ಯೂಸ್ ನಾಟೌಟ್: ರೈಲು ಪ್ರಯಾಣದ ವೇಳೆ ಫುಟ್‌ ಬೋರ್ಡ್‌ಗಳಲ್ಲಿ ನಿಂತು ನೇತಾಡುವಂತಹ ಕಸರತ್ತು ಮಾಡಲು ಹೋಗಿ ಹಲವು ಸಲ ಅನೇಕ ಯುವಕರು ಅಪಾಯಕ್ಕೆ ಸಿಲುಕಿದ ಘಟನೆ ಆಗಾಗ ವರದಿಯಾಗುತ್ತಿರುತ್ತವೆ. ಯುವಕನೋರ್ವ ಪ್ರಾಣದ ಹಂಗು ತೊರೆದು ಟ್ರೈನ್‌ ನಲ್ಲಿ ಸ್ಟಂಟ್‌ ಮಾಡಲು ಹೋಗಿ ಪೇಚಿಗೆ ಸಿಲುಕಿದ್ದಾನೆ. ಅದೃಷ್ಟವಶಾತ್‌ ಸ್ಟಂಟ್‌ ಮಾಡುವಾಗ ರೈಲಿನಿಂದ ಬೀಳುತ್ತಿದ್ದವನನ್ನು ಸಹಪ್ರಯಾಣಿಕರು ರೈಲನ್ನು ನಿಲ್ಲಿಸಲು ಸೂಚಿಸಿ ಮುಂದಿನ ಸ್ಟೇಷನ್ ನಲ್ಲಿ ನಿಲ್ಲಿಸಿ ರಕ್ಷಣೆ ಮಾಡಿದ್ದು, ಯುವಕನ ಈ ಹುಚ್ಚಾಟಕ್ಕೆ ನೆಟ್ಟಿಗರು ಫುಲ್‌ ಗರಂ ಆಗಿದ್ದಾರೆ.
ನೇತಾಡುತ್ತಿದ್ದವನಿಗೆ ಮೇಲೆ ಬರಲಾಗದೆ ಬಿಡಲೂ ಆಗದೆ ಒದ್ದಾಡಿದ್ದಾನೆ. ಕೊನೆಗೆ ರೈಲು ನಿಲ್ಲುವ ಹೊತ್ತಿಗೆ ಕೈಬಿಟ್ಟು ಕೆಳಗೆ ಬಿದ್ದಿದ್ದಾನೆ.
ಈ ಆಘಾತಕಾರಿ ಘಟನೆ ಉತ್ತರ ಪ್ರದೇಶದ ಫರೂಕಾಬಾದ್‌ ನಲ್ಲಿ ನಡೆದಿದ್ದು, ಚಲಿಸುತ್ತಿರುವ ರೈಲಿನಲ್ಲಿ ಅಪಾಯಕಾರಿ ಸಾಹಸ ಮಾಡಲು ಹೋಗಿ ಯುವಕನೋರ್ವ ಪೇಚಿಗೆ ಸಿಲುಕಿದ್ದಾನೆ. ರೈಲಿನಿಂದ ಕೆಳಗೆ ಬೀಳುತ್ತಿದ್ದವನನ್ನು ಹಾಗೋ ಹೀಗೋ ಪ್ರಯಾಣಿಕರು ರಕ್ಷಣೆ ಮಾಡಿದ್ದಾರೆ.
A young guy fell from a moving train while performing a stunt for a Reel later people saved him somehow, Kasganj to Kanpur
byu/TheDoodleBug_ inindianrailways
ಕಾಸ್ಗಂಜ್-ಕಾನ್ಪುರ ರೈಲಿನಲ್ಲಿ ಯುವಕ ಸ್ಟಂಟ್‌ ಮಾಡಲು ಹೋಗಿದ್ದು, ಸಾವಿನಂಚಿನಲ್ಲಿದ್ದ ಈತನನ್ನು ರೈಲಿನೊಳಗಿದ್ದ ಪ್ರಯಾಣಿಕರು ರಕ್ಷಣೆ ಮಾಡಿದ್ದಾರೆ. ಈ ದೃಶ್ಯ ವೈರಲ್ ಆಗುತ್ತಿದ್ದಂತೆ ಯುವಕನ ವಿರುದ್ಧ ಅಗತ್ಯ ಕ್ರಮ ಕೈಗೊಳ್ಳುವಂತೆ ಕೇಳಲಾಗಿದೆ.
