ನ್ಯೂಸ್‌ ನಾಟೌಟ್: ಪಾಲಿಯಲ್ಲಿ ಒಂದು ವಿಚಿತ್ರ ಪ್ರಕರಣ ಬೆಳಕಿಗೆ ಬಂದಿದೆ. ಮದುವೆಯ (Marriage) ನಂತರ, ವರನು (Groom) ಹುಷಾರಿಲ್ಲದ ಮಾವನನ್ನು (Father-in-Law) ಭೇಟಿ ಮಾಡಲು ಮನೆಯಿಂದ ಹೊರಟು ವಧುವನ್ನು (Bride) ತನ್ನ ಅತ್ತೆಯ ಮನೆಗೆ ಕರೆದುಕೊಂಡು ಹೋದ. ಹಿಂತಿರುಗುವಾಗ, ವಧು ಆಗ್ರಾ ರೈಲು ನಿಲ್ದಾಣದಿಂದ (Agra Railway Station) ಇದ್ದಕ್ಕಿದ್ದಂತೆ ಕಣ್ಮರೆಯಾಗ್ತಾಳೆ. ವಧು ಓಡಿಹೋಗಿದ್ದಾದರೂ ಎಲ್ಲಿಗೆ?
ಈ ಕುರಿತಂತೆ ಪತಿ ದೂರು ನೀಡುತ್ತಾರೆ. ಅಂದಹಾಗೆ ಇದು ಖೌರಿಯಾ ಬಾಲಾಜಿ ಪ್ರದೇಶದಲ್ಲಿ ವಾಸಿಸುವ ಜಿತೇಂದ್ರ ದಾಸ್ ಅವರ ಕಥೆ. ಉತ್ತರ ಪ್ರದೇಶದ ಬನಾರಸ್‌ನಲ್ಲಿ ದಲ್ಲಾಳಿ ಆಕೆಯ ಮದುವೆಯನ್ನು 3 ಲಕ್ಷ ರೂಪಾಯಿಗಳಿಗೆ ಏರ್ಪಡಿಸಿದ್ದ.
ಜಿತೇಂದ್ರ ಭಟಿಂಡಾ ಅವರು ಪಂಜಾಬ್‌ನಲ್ಲಿ ಸಿಹಿತಿಂಡಿ ಅಂಗಡಿ ನಡೆಸುತ್ತಿದ್ದು , ಈ ವೇಳೆ ಬ್ರೋಕರ್ ಜೋಧಪುರದ ಬಿರಾಮಿ ನಿವಾಸಿ ಇರ್ಷಾದ್ ಅಹ್ಮದ್ ಅಲಿಯಾಸ್ ಅಕ್ಬರ್ ಅವರನ್ನು ಇಲ್ಲಿ ಭೇಟಿಯಾಗ್ತಾರೆ. ಜಿತೇಂದ್ರನು ಬ್ರೋಕರ್ ಇರ್ಷಾದ್ ಎದುರು ತಾನು ಮದುವೆಯಾಗುವ ಆಸೆಯನ್ನು ವ್ಯಕ್ತಪಡಿಸುತ್ತಾನೆ. ಖರ್ಚು ಸುಮಾರು 3.5 ಲಕ್ಷ ರೂ. ಆಗುತ್ತೆ ಎಂದು ಹೇಳುತ್ತಾರೆ. ಡಿಸೆಂಬರ್ 13, 2024 ರಂದು, ಪ್ರಿಯಾಂಕಾ ಎಂಬ ಹುಡುಗಿಯನ್ನು ಪರಿಚಯಿಸಿ, ಹೆತ್ತವರಿಗೂ ಬ್ರೋಕರ್ ಅನ್ನು ಪರಿಚಯಿಸುತ್ತಾನೆ. ಎರಡೂ ಕಡೆಯವರು ಮದುವೆಗೆ ಒಪ್ಪಿಕೊಂಡರು.
ವಿವಾಹ ವಿಧಿವಿಧಾನಗಳು ಪೂರ್ಣಗೊಂಡ ನಂತರ, ಜಿತೇಂದ್ರ ಪ್ರಿಯಾಂಕಾ ಜೊತೆ ಭಟಿಂಡಾಗೆ ಬಂದು ಸಂತೋಷದಿಂದ ಬದುಕಲು ಪ್ರಾರಂಭಿಸಿದರು. ಹೀಗೆ ಜನವರಿ 4 ರಂದು, ಜಿಂತೇಂದ್ರ ಅವರಿಗೆ ಇರ್ಷಾದ್ ನಿಂದ ಕರೆ ಬಂದಿತು. ಪ್ರಿಯಾಂಕಾಳ ತಂದೆ ತುಂಬಾ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ ಎಂದು ಅವರು ಫೋನ್‌ನಲ್ಲಿ ಹೇಳಿದರು. ಜಿತೇಂದ್ರ ತಕ್ಷಣ ತನ್ನ ಪತ್ನಿ ಪ್ರಿಯಾಂಕಾ ಜೊತೆ ಬನಾರಸ್ ತಲುಪಿದರು. ಇಬ್ಬರೂ ಅಲ್ಲಿ ನಾಲ್ಕು ದಿನಗಳ ಕಾಲ ಒಟ್ಟಿಗೆ ಇದ್ದರು.
ಜನವರಿ 8 ಆಗುತ್ತಲೇ ಜಿತೇಂದ್ರ ದಾಸ್ ಪ್ರಿಯಾಂಕಾ ಜೊತೆ ರೈಲಿನಲ್ಲಿ ಪಾಲಿಗೆ ತೆರಳಿದರು. ಇಬ್ಬರೂ ರೈಲಿನಲ್ಲಿ ಪಾಲಿಗೆ ಬರುತ್ತಿದ್ದರು, ಅಷ್ಟರಲ್ಲಿ ಆಗ್ರಾ ರೈಲು ನಿಲ್ದಾಣದಲ್ಲಿ ಪ್ರಿಯಾಂಕಾ ಶೌಚಾಲಯಕ್ಕೆ ಹೋಗಬೇಕೆಂದು ಕೇಳಿಕೊಂಡರು. ಅವಳು ಸ್ನಾನಗೃಹಕ್ಕೆ ಹೋಗುವ ನೆಪದಲ್ಲಿ ಕಣ್ಮರೆಯಾದಳು. ವರ ಜಿತೇಂದ್ರ ತನ್ನ ಸೀಟಿನಲ್ಲಿ ಅಳಲು ಪ್ರಾರಂಭಿಸಿ ಬಹಳ ಹೊತ್ತು ಕಾಯುತ್ತಿದ್ದ, ಆದರೆ ಪ್ರಿಯಾಂಕಾ ಟಾಯ್ಲೆಟ್ ನಿಂದ ಹಿಂತಿರುಗದಿದ್ದಾಗ, ಅವನು ಅವಳನ್ನು ಹುಡುಕಲು ಪ್ರಾರಂಭಿಸಿದ.
ಜಿತೇಂದ್ರನು ಟಾಯ್ಲೆಟ್ ತಲುಪಿದ ತಕ್ಷಣ, ಪ್ರಿಯಾಂಕಾ ಎಲ್ಲಿಯೂ ಸಿಗಲಿಲ್ಲ. ದಣಿದು ಸುಸ್ತಾಗಿ, ಅವನು ತನ್ನ ಸ್ಥಾನಕ್ಕೆ ಹಿಂತಿರುಗಿ ಅಳಲು ಪ್ರಾರಂಭಿಸಿದನು. ಪ್ರಿಯಾಂಕಾಳನ್ನು ಹುಡುಕಲು ಜಿತೇಂದ್ರ ಬಹಳಷ್ಟು ಪ್ರಯತ್ನಿಸಿದ. ಆದರೆ ಅವಳು ಎಲ್ಲಿಯೂ ಸಿಗಲಿಲ್ಲ. ನಂತರ ಅವರು ಇರ್ಷಾದ್ ಮತ್ತು ಪ್ರಿಯಾಂಕಾ ಅವರ ಪೋಷಕರನ್ನು ಸಂಪರ್ಕಿಸಲು ಪ್ರಯತ್ನಿಸಿದರು. ಆದರೆ ಎಲ್ಲರ ಫೋನ್‌ಗಳು ಸ್ವಿಚ್ ಆಫ್ ಆಗಿದ್ದವು. ಅಂತಹ ಪರಿಸ್ಥಿತಿಯಲ್ಲಿ, ಜಿತೇಂದ್ರರಿಗೆ ಇಡೀ ವಿಷಯ ಅರ್ಥವಾಯಿತು.ಅವನಿಗೆ ತಾನು ಮೋಸ ಹೋಗಿದ್ದೇನೆಂದು ಅರ್ಥವಾಯಿತು. ವಧು ಕಪಾಟಿನಲ್ಲಿದ್ದ ಆಭರಣಗಳು ಮತ್ತು 50,000 ರೂ.ಗಳನ್ನು ಸಹ ತೆಗೆದುಕೊಂಡು ಹೋಗಿದ್ದಾಳೆ ಎಂದು ಜಿತೇಂದ್ರ ಆರೋಪಿಸಿದ್ದಾರೆ. ನ್ಯಾಯಾಲಯದ ಆದೇಶದ ನಂತರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.
