ಮಡಿಕೇರಿ: ಅಲ್ಯುಮಿನಿಯಂ ಏಣಿ ಏರಿ ತೋಟದಲ್ಲಿ ಕರಿಮೆಣಸು ಕೊಯ್ಯುತ್ತಿದ್ದ ಸಂದರ್ಭ ವಿದ್ಯುತ್ ಸ್ಪರ್ಶದಿಂದ ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ನಡೆದಿದೆ.
ರಂಗ ಸಮುದ್ರದ ನವೀನ್ ಅವರ ಪುತ್ರ ದೀಕ್ಷಿತ್ (23) ಮೃತ ದುರ್ದೈವಿ. ವಿದ್ಯುತ್ ಲೈನ್‌ ಗೆ ಏಣಿ ಸ್ಪರ್ಶಗೊಂಡು ಜೀವ ಹಾನಿಯಾಗಿದ್ದು ತೋಟದ ನಡುವೆ ಇಂತಹ ದುರಂತ ಆಗಾಗ್ಗೆ ಸಂಭವಿಸುತ್ತಿದೆ. ಈ ಅನಾಹುತ ತಪ್ಪಿಸಲು ಸರಕಾರ ಪರ್ಯಾಯ ವ್ಯವಸ್ಥೆಯನ್ನು ಕರಿಮೆಣಸು ಬೆಳೆಗಾರರಿಗೆ ಮಾಡುವುದಾಗಿ ತಿಳಿಸಿತ್ತು. ಆದರೆ ಇದುವರೆಗೆ ಕ್ರಮ ತೆಗೆದುಕೊಂಡಿಲ್ಲ ಎಂದು ಕಾರ್ಮಿಕ ಸಂಘಟನೆ ಜಿಲ್ಲಾಧ್ಯಕ್ಷ ಎಚ್‌.ಎಂ.ಸೋಮಪ್ಪ ಬೇಸರ ವ್ಯಕ್ತಪಡಿಸಿದ್ದಾರೆ.
