ಮಡಿಕೇರಿ: ಕರೋನಾ ಸೋಂಕಿತರು ರಾತ್ರಿಯ ವೇಳೆ ಸಮಯ ಸಾಧಿಸಿ ಎಸ್ಕೇಪ್ ಆಗಿರುವ ಘಟನೆ ಕೊಡಗು ಜಿಲ್ಲೆಯ ಮಡಿಕೇರಿಯಿಂದ ವರದಿಯಾಗಿದೆ.
ಕರೋನಾ ತಗುಲಿದ್ದ ಹೊರ ರಾಜ್ಯದ ಕಟ್ಟಡ ಕಾರ್ಮಿಕರು ಸಹಿತ ಏಳು ಮಂದಿಯನ್ನು ಕ್ವಾರೆಂಟೀನ್ ಗೆ ಒಳಪಡಿಸಲಾಗಿತ್ತು. ನಗರದ ಗಾಂಧಿ ಮಂಟಪದ ನಿರ್ಮಾಣ ಹಂತದಲ್ಲಿರುವ ಕಟ್ಟದಲ್ಲಿ ಕ್ವಾರೆಂಟೀನ್ ಗೆ ಅವಕಾಶ ಕಲ್ಪಿಸಲಾಗಿತ್ತು. ಇವರಲ್ಲಿ ಸುಶೀಲ್, ಶಾಂಬು ಉರವನ್ ಫೆಂಟು ಪರಾರಿಯಾದ ಜಾರ್ಖಂಡ್ ಮೂಲದ ಕಾರ್ಮಿಕರಾಗಿದ್ದಾರೆ. ಒಟ್ಟು ಏಳು ಮಂದಿ ಕ್ಯಾಂಪ್ ನಿಂದ ಎಸ್ಕೇಪ್ ಆಗಿದ್ದು ಇವರ ಹುಡುಕಾಟ ನಡೆಸಲಾಗುತ್ತಿದೆ. ನಾಪತ್ತೆಯಾಗಿರುವವರ ಕುರಿತು ಮಡಿಕೇರಿ ತಾಲೂಕು ಪೊಲೀಸರಿಗೆ ವೈದ್ಯಾಧಿಕಾರಿಗಳು ದೂರು ನೀಡಿದ್ದಾರೆ.
