ನ್ಯೂಸ್ ನಾಟೌಟ್: ಮಾವನ ಮೇಲೆ ಸೊಸೆಗೆ ಪ್ರೀತಿಯಾದ ಘಟನೆ ನಡೆದಿದೆ. ಮಾವ ಮತ್ತು ಸೊಸೆ ನಡುವಿನ ಪ್ರೀತಿಗೆ ಎರಡೂ ಕುಟುಂಬಗಳು ವಿರೋಧ ವ್ಯಕ್ತಪಡಿಸಿದಾಗ, ಅವರು ಮನೆ ಬಿಟ್ಟು ಓಡಿಹೋಗುವ ನಿರ್ಧಾರಕ್ಕೆ ಬರುತ್ತಾರೆ. ಬಳಿಕ ಮರಳಿ ಬಂದು ಪೊಲೀಸ್ ಠಾಣೆಯಲ್ಲಿ ಹಾಜರಾಗಿ, ತಾವು ಪ್ರಾಪ್ತವಯಸ್ಕರೆಂದು ಸಾಬೀತುಪಡಿಸುವ ದಾಖಲೆಗಳನ್ನು ತೋರಿಸುತ್ತಾರೆ. ಮಧ್ಯಪ್ರದೇಶದ ದಬ್ರಾದಲ್ಲಿ ಈ ಘಟನೆ ಬೆಳಕಿಗೆ ಬಂದಿದೆ.
ಪೊಲೀಸರ ಪ್ರಕಾರ, ಭಿತಾರ್‌ ವಾರ್ ಠಾಣೆ ವ್ಯಾಪ್ತಿಯ ಒಬ್ಬ ಹದಿಹರೆಯದ ಬಾಲಕಿ ಮತ್ತು ಶಿವಪುರಿ ಜಿಲ್ಲೆಯ ರಾಮನಗರದ ನಿವಾಸಿ ಅವನೀಶ್ ಕುಶವಾಹ ಎಂಬಾತನ ನಡುವೆ ಕಳೆದ ಎರಡು ವರ್ಷಗಳಿಂದ ಸಂಬಂಧವಿತ್ತು. ಸಂಬಂಧದಲ್ಲಿ ಅವನೀಶ್ ಆ ಬಾಲಕಿಯ ಮಾವನಾಗಿದ್ದ, ಸಹೋದರ ಸಂಬಂಧವಾಗಿತ್ತು. ಆದರೆ ಇವೆಲ್ಲವನ್ನೂ ಕ್ಯಾರೇ ಅನ್ನದೇ ಇಬ್ಬರೂ ಪರಸ್ಪರ ಪ್ರೀತಿಸುತ್ತಿದ್ದರಂತೆ. ಅದೇ ರೀತಿ ಇದೇ ಮಾರ್ಚ್‌ 30ರಂದು ಯಾರಿಗೂ ಹೇಳದೇ ಓಡಿ ಹೋಗಿದ್ದಾರೆ.
ಇನ್ನು ಈ ಬಾಲಕಿಯ ಕುಟುಂಬ ಕಾಣೆಯಾಗಿದ್ದಾಳೆಂದು ದೂರು ದಾಖಲಿಸಿದ್ದರು. ಈ ಹಿನ್ನೆಲೆ ಪೊಲೀಸರು ಶೋಧ ಕಾರ್ಯ ಆರಂಭಿಸಿದರು. ಈ ಸುದ್ದಿ ತಿಳಿದ ಬಳಿಕ ಅವನೀಶ್ ಮತ್ತು ಬಾಲಕಿ ಗುರುವಾರ(ಎ.3)ಮರಳಿ ಬಂದು ನೇರವಾಗಿ ಠಾಣೆಗೆ ಹೋಗಿದ್ದರು.
ಅಲ್ಲಿ ತಾವು ಪ್ರಾಪ್ತ ವಯಸ್ಕರೆಂದು ಸಾಬೀತುಪಡಿಸಿ, ಒಟ್ಟಿಗೆ ಜೀವಿಸಲು ಮತ್ತು ಮದುವೆಯಾಗಲು ಇಚ್ಛಿಸುವುದಾಗಿ ತಿಳಿಸಿದರು. ಬಾಲಕಿ ಠಾಣೆಗೆ ಬಂದಿದ್ದಾಳೆ ಎಂದು ತಿಳಿದ ತಕ್ಷಣ ಅವಳ ಕುಟುಂಬ ಕೂಡಾ ಅಲ್ಲಿಗೆ ಧಾವಿಸಿತು. ಎರಡೂ ಕಡೆಯ ಕುಟುಂಬಗಳನ್ನು ಸಮಜಾಯಿಸಿದ ಬಳಿಕ, ಇವರ ಹಠಕ್ಕೆ ಕೊನೆಗೆ ಕುಟುಂಬಗಳೇ ಈ ಮದುವೆಗೆ ಒಪ್ಪಿಗೆ ನೀಡಿದ್ದಾವೆ. ಅಂತಿಮವಾಗಿ ಹನುಮಾನ್ ಮಂದಿರದಲ್ಲಿ ಅವರಿಗೆ ವಿವಾಹವನ್ನು ಸಹ ನಡೆಸಲಾಗಿದೆ.
