ನ್ಯೂಸ್ ನಾಟೌಟ್: ಕರ್ನಾಟಕದಲ್ಲಿ ಸಿಎಂ ಸಿದ್ದರಾಮಯ್ಯನವರು ಫ್ರೀ ಬಸ್ ಘೋಷಿಸಿದ ಬೆನ್ನಲ್ಲೇ ರಾಜ್ಯದ ಮಹಿಳೆಯರು ಬಸ್ಸಿನಲ್ಲಿ ಸೀಟು ಸಿಗದಿದ್ದರೂ ನಿಂತುಕೊಂಡಾದ್ರೂ ಉಚಿತ ಬಸ್ ಪ್ರಯಾಣದ ಖುಷಿ ಅನುಭವಿಸುತ್ತಿದ್ದಾರೆ.
ಮಹಿಳೆಯರ ನೂಕು ನುಗ್ಗಲಿನಲ್ಲಿ ಬಸ್ ನ ಡೋರ್ ಕಿತ್ತುಕೊಂಡು ಬಂದಿದೆ. ಕೆಲವು ಕಡೆ ಕಂಬಿಗಳೇ ಮುರಿದು ಹೋಗಿದೆ. ಈ ಸುದ್ದಿಗಳು ಹರಿದಾಡುತ್ತಿರುವ ಬೆನ್ನಲ್ಲೇ ಬಸ್ ನ ಹಿಂಬದಿಯ ಮೆಟ್ಟಿಲಿನಲ್ಲಿ ಮಹಿಳೆಯೊಬ್ಬರು ನಿಂತುಕೊಂಡು ಪ್ರಯಾಣ ಮಾಡುತ್ತಿರುವ ವಿಡಿಯೋವೊಂದು ವೈರಲ್ ಆಗಿದೆ.
ಆಂಧ್ರಪ್ರದೇಶದ ವಿಡಿಯೋ ಎನ್ನಲಾಗುತ್ತಿದೆ. ಕರ್ನಾಟಕದಲ್ಲಿ ಬಸ್ ನ ಒಳಗೆ ಮಹಿಳೆಯರಿಗೆ ಫ್ರೀ ಆದರೆ ಆಂಧ್ರಪ್ರದೇಶದಲ್ಲಿ ಬಸ್ ನ ಹೊರಗೂ ಮಹಿಳೆಯರಿಗೆ ಫ್ರೀ ಅನ್ನುವ ಟ್ರೋಲ್ ಡೈಲಾಗ್ ವೈರಲ್ ಆಗುತ್ತಿದೆ.
