ನ್ಯೂಸ್ ನಾಟೌಟ್: ಕೇರಳದ ಎರ್ನಾಕುಲಂ-ಅಂಗಮಾಲಿ ಆರ್ಚ್‌ಡಯೋಸಿಸ್‌ ನ ಬಿಷಪ್ ಹೌಸ್ ನಲ್ಲಿ ನಡೆದ ಪ್ರತಿಭಟನೆ ವೇಳೆ ಕ್ರೈಸ್ತ ಪಾದ್ರಿಗಳೇ ಪೊಲೀಸರನ್ನು ಥಳಿಸಿದ್ದಾರೆ ಎನ್ನಲಾಗಿದೆ.
ಎರ್ನಾಕುಲಂ ಕೇಂದ್ರ ಪೊಲೀಸರು ಗುರುತಿಸಬಹುದಾದ ಪಾದ್ರಿಗಳ ವಿರುದ್ಧ ಬಿಎನ್‌ಎಸ್‌ನ ಸೆಕ್ಷನ್ 189(2), 190, 191(2), ಮತ್ತು 121(2) ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಕಾನೂನು ಮತ್ತು ಸುವ್ಯವಸ್ಥೆ ಕಾರ್ಯಾಚರಣೆಯ ಸಮಯದಲ್ಲಿ ಪ್ರತಿಭಟನಾಕಾರರನ್ನು ನಿಯಂತ್ರಿಸುವಾಗ ಈ ಘಟನೆ ನಡೆದಿದೆ. ಗಾಯಗೊಂಡ ಕೇಂದ್ರ ಪೊಲೀಸ್ ಸಬ್-ಇನ್ಸ್‌ಪೆಕ್ಟರ್ ಅನೂಪ್ ಸಿ ದೂರಿನ ಆಧಾರದ ಮೇಲೆ ಎಫ್‌.ಐ.ಆರ್ ದಾಖಲಿಸಲಾಗಿದೆ.
ಪ್ರತಿಭಟನೆಯ ನಂತರ “ಎರ್ನಾಕುಲಂ-ಅಂಗಮಾಲಿಯ ಆರ್ಚ್‌ಪಾರ್ಕಿಯ ಮೇಜರ್ ಆರ್ಚ್‌ಪಾರ್ಕಿಯ ವಿಕಾರ್” ಆಗಿ ನೇಮಕಗೊಂಡ ಆರ್ಚ್‌ಬಿಷಪ್ ಮಾರ್ ಜೋಸೆಫ್ ಪ್ಯಾಂಪ್ಲಾನಿ ಭಾನುವಾರ ಘಟನೆ ನಡೆದ ಬಳಿಕ ಪ್ರತಿಭಟನಾಕಾರರನ್ನು ಮುಕ್ತ ಸಂವಾದದ ಮೂಲಕ ಸೌಹಾರ್ದಯುತವಾಗಿ ಸಮಸ್ಯೆಯನ್ನು ಪರಿಹರಿಸುವಂತೆ ಒತ್ತಾಯಿಸಿದ್ದಾರೆ.
