ಕಲ್ಮಡ್ಕ: ಕೋಮು ಸಂಘರ್ಷ ಸೂಕ್ಷ್ಮ ಪ್ರದೇಶವಾದ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಹಿಂದೂ-ಮುಸಲ್ಮಾನರ ನಡುವೆ ಸೌಹಾರ್ದದ ಸಂದೇಶವನ್ನು ಬಿತ್ತಿ ಇಲ್ಲೊಬ್ಬ ಮುಸ್ಲಿಂ ವ್ಯಾಪಾರಿ ಸುದ್ದಿಯಾಗಿದ್ದಾರೆ.
ಕರಾವಳಿಯ ಹಿಂದೂ ಧರ್ಮೀಯರ ಆರಾಧ್ಯ ದೈವಗಳಲ್ಲಿ ಒಂದಾಗಿರುವ ಶ್ರೀ ಮಹಾವಿಷ್ಣುಮೂರ್ತಿ ಒತ್ತೆಕೋಲಕ್ಕೆ ಮುಸ್ಲಿಂ ವ್ಯಾಪಾರಿ ತರಕಾರಿ ನೀಡಿ ಸೌಹಾರ್ದತೆ ಮೆರೆದಿದ್ದಾರೆ. ಹೌದು, ಈ ಅಪರೂಪದ ಘಟನೆ ಕಲ್ಮಡ್ಕದ ಕಾಚಿಲದಲ್ಲಿ ನಡೆದಿದೆ.
ಈ ಬಾರಿಯ ಒತ್ತೆಕೋಲಕ್ಕೆ ಅನ್ನಸಂತರ್ಪಣೆಗೆ ಅಗತ್ಯವಿದ್ದ ತರಕಾರಿಗಳನ್ನು ನಿಂತಿಕಲ್ಲಿನ ಅಡಿಕೆ ವ್ಯಾಪಾರಿ ಇಸ್ಮಾಯಿಲ್ ಪಡ್ಪಿನಂಗಡಿ ನೀಡಿದ್ದಾರೆ. ದೈವಸ್ಥಾನದ ಆಡಳಿತ ಮಂಡಳಿಯವರು ಇವರನ್ನು ಮೇಲೇರಿ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಆತ್ಮೀಯವಾಗಿ ಸನ್ಮಾನಿಸಿದರು.
