ನ್ಯೂಸ್ ನಾಟೌಟ್: ಸುಳ್ಯ ತಾಲೂಕಿನ ಗೂನಡ್ಕದ ಸಮೀಪದಲ್ಲಿರುವ ದೊಡ್ಡಡ್ಕ ಬಳಿಯ ಮನಯೊಂದರ ಪಕ್ಕದಲ್ಲಿ ಬಾಯ್ತೆರೆದ ನಿಗೂಢ ಗುಂಡಿಯನ್ನು ಮುಚ್ಚಿದ ಬೆನ್ನಲ್ಲೇ ಇದೀಗ ಮತ್ತೆ ಆ ಗುಂಡಿ ಬಾಯ್ತೆರೆದು ಕೊಂಡಿದೆ.
ಮಂಗಳವಾರ ಬೆಳಗ್ಗೆ ದೊಡ್ಕದ ರಾಜಾರಾಂಪುರ ನಿವಾಸಿ ಬಾಳಪ್ಪ ಅನ್ನುವವರ ಮನೆಯ ಪಕ್ಕದಲ್ಲಿ ನಿಗೂಢ ರೀತಿಯಲ್ಲಿ ಗುಂಡಿಯೊಂದು ಬಾಯ್ತೆರೆದುಕೊಂಡಿತ್ತು. ಇದು ಮನೆಯವರಲ್ಲಿ ಆತಂಕಕ್ಕೆ ಕಾರಣವಾಗಿತ್ತು. ಸ್ಥಳಕ್ಕೆ ಕಂದಾಯ ಇಲಾಖೆ, ಇಂಜಿನೀಯರ್ ಹಾಗೂ ಸ್ಥಳೀಯ ಆಡಳಿತಾಧಿಕಾರಿಗಳು ಆಗಮಿಸಿದ್ದರು. ಕೊನೆಗೆ ಗುಂಡಿಯನ್ನು ಜೆಸಿಬಿ ಯಂತ್ರದ ಮೂಲಕ ಬುಧವಾರ (ಜು.16) ಮುಚ್ಚಿಸಲಾಯಿತು.
ಆದರೆ ಈ ಗುಂಡಿ ಇದೀಗ ಮತ್ತೆ ಗುಂಡಿ ತೆರೆದುಕೊಂಡಿದೆ. ಸ್ಥಳೀಯರು ಹೇಳುವ ಪ್ರಕಾರ ಕೆಳಗೆ ಹಿಂದಿನ ಕಾಲದ ಸುರಂಗ ಇದೆ. ಈ ಹಿನ್ನೆಲೆಯಲ್ಲಿ ಅಲ್ಲಿ ಕುಸಿಯುತ್ತಿದೆ ಎನ್ನುತ್ತಿದ್ದಾರೆ. ಸ್ಥಳಕ್ಕೆ ಭೂ ವಿಜ್ಞಾನ ಇಲಾಖೆಯವರನ್ನು ಕರೆಸಿದರೆ ಜನರ ಅನುಮಾನ ಪರಿಹಾರಗೊಳ್ಳಬಹುದಾಗಿದೆ.
