ನ್ಯೂಸ್ ನಾಟೌಟ್: ಗೂನಡ್ಕ ಸಮೀಪದ ಪೆಲ್ತಡ್ಕ ಎಂಬಲ್ಲಿ ಕಳೆದೊಂದು ತಿಂಗಳಲ್ಲಿ ಸತತ ಎರಡು ಸಲ ಹಟ್ಟಿಗೆ ನುಗ್ಗಿ ದುಷ್ಕರ್ಮಿಗಳು ಗೋವುಗಳನ್ನು ಕದ್ದೊಯ್ದ ಘಟನೆ ಇದೀಗ ವರದಿಯಾಗಿದೆ.
ಭಾನುವಾರ ತಡರಾತ್ರಿ ಹಟ್ಟಿಗೆ ನುಗ್ಗಿರುವ ಗೋ ಕಳ್ಳರು ಬೆಳ್ ಬೆಳಗ್ಗೆ ಸುಮಾರು ನಾಲ್ಕು ಗಂಟೆ ಸುಮಾರಿಗೆ ಪದ್ಮನಾಭ ಎಂಬುವವರ ದನದ ಹಟ್ಟಿಗೆ ನುಗ್ಗಿ ಕಿರಾತಕರು ಎರಡು ಗೋವುಗಳನ್ನು ಕದ್ದು ಎಸ್ಕೇಪ್ ಆಗಿದ್ದಾರೆ. ಕಲ್ಲುಗುಂಡಿ, ಸಂಪಾಜೆ ಭಾಗದಲ್ಲಿ ರಸ್ತೆಗಳಲ್ಲಿ ಇದ್ದ ಗೋವುಗಳನ್ನು ಕಪ್ಪು ಬಣ್ಣದ ಸ್ಕಾರ್ಫಿಯೋ ಕಾರಿನಲ್ಲಿ ದುಷ್ಕರ್ಮಿಗಳು ಬಂದು ಮತ್ತು ಬರುವ ಔಷಧಿ ನೀಡಿ ಹೊತ್ತೊಯ್ದ ಸಿಟಿಟಿವಿ ವಿಡಿಯೋಗಳು ಕೆಲವು ತಿಂಗಳ ಹಿಂದೆ ವೈರಲ್ ಆಗಿದ್ದವು. ಈ ಸ್ಕಾರ್ಫಿಯೋ ಕಾರು ಗೋವು ಕದಿಯುವುದಕ್ಕೇ ಬಳಸಲಾಗುತ್ತಿದೆ. ಈ ಕಾರು ತಡರಾತ್ರಿ ಕಂಡು ಬಂದರೆ ಹಿಡಿದು ಬೆಂಡೆತ್ತುವುದಕ್ಕೆ ಹಲವು ಸಲ ಪ್ರಯತ್ನ ನಡೆಸಲಾಗಿದೆ. ಆದರೆ ವಿಫಲವಾಗಿದೆ.
