ನ್ಯೂಸ್ ನಾಟೌಟ್ : ಸಾಲಬಾಧೆ ತಾಳಲಾರದೆ ರೈತ ಮಹಿಳೆ ತನ್ನ ಬದುಕನ್ನೇ ಕತ್ತಲಾಗಿಸಿದ ಘಟನೆ ವರದಿಯಾಗಿದೆ.ಮಹಿಳೆ ಕೆರೆಗೆ ಹಾರಿ ಈ ಕೃತ್ಯವೆಸಗಿದ್ದಾರೆಂದು ತಿಳಿದು ಬಂದಿದೆ.
ಚಿಕ್ಕಮಗಳೂರು ಜಿಲ್ಲೆಯ ಕಡೂರು ತಾಲೂಕಿನ ರಂಗೇನಹಳ್ಳಿ ಗ್ರಾಮದಲ್ಲಿ ಈ ಘಟನೆ ವರದಿಯಾಗಿದ್ದು,ಮಳೆ ಕೈಕೊಟ್ಟ ಹಿನ್ನೆಲೆ ಬೆಳೆ ನಾಶದಿಂದ ಮನನೊಂದು ಈ ದುರಂತ ಸಂಭವಿಸಿದೆ.75 ವರ್ಷದ ಹನುಮಮ್ಮ ದುರಂತ ಅಂತ್ಯ ಕಂಡಿರುವ ಮಹಿಳೆ ಎಂದು ತಿಳಿದು ಬಂದಿದೆ.
ಇವರು ಮೂರುವರೆ ಎಕರೆಯಲ್ಲಿ ಜೋಳ-ರಾಗಿ ಬೆಳೆದಿದ್ದರು ಹಾಗೂ ಬ್ಯಾಂಕ್ ನಲ್ಲಿ 6 ಲಕ್ಷ ಸಾಲವನ್ನೂ ಮಾಡಿದ್ದರೆಂದು ತಿಳಿದು ಬಂದಿದೆ. ಮಳೆ ಕೈಕೊಟ್ಟ ಹಿನ್ನೆಲೆ ಬೆಳೆ ನಷ್ಟವಾಗಿದೆ.ಮುಂದೇನು ಎಂಬ ಚಿಂತೆ ಕಾಡಿದೆ.ಹೀಗಾಗಿ ತಿಂಗಳ ಕಂತು ಪಾವತಿಸಲಾಗದೇ ಮನನೊಂದು ಈ ಕೃತ್ಯವೆಸಗಿದ್ದಾರೆ.ಕಡೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
