ನ್ಯೂಸ್ ನಾಟೌಟ್: ವನ್ಯ ಮೃಗಗಳು ಮತ್ತು ಮಾನವನ ನಡುವಿನ ಸಂಘರ್ಷ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಸುಳ್ಯದ ಸುತ್ತಮುತ್ತ ಹಳದಿ ರೋಗದಿಂದ ದಿಕ್ಕು ತೋಚದಂತಾಗಿರುವ ರೈತನಿಗೆ ಈಗ ನಿತ್ಯ ಕಾಡಾನೆಗಳ ಹಾವಳಿಯು ಗಾಯದ ಮೇಲೆ ಬರೆ ಎಳೆದಂತಾಗಿದೆ.
ಕಳೆದ ಐದು ದಿನಗಳಲ್ಲಿ ಸುಳ್ಯದ ಸುತ್ತಮುತ್ತ ಪ್ರತ್ಯೇಕ ಪ್ರಕರಣಗಳಲ್ಲಿ 9 ಕಾಡಾನೆಗಳು ಕೃಷಿಕರ ತೋಟದ ಮೇಲೆ ದಾಳಿ ಮಾಡಿವೆ. ಇದರಿಂದ ಅಪಾರ ಪ್ರಮಾಣದ ಕೃಷಿ ಸಂಪತ್ತು ಹಾಳಾಗಿವೆ ಎಂದು ತಿಳಿದು ಬಂದಿದೆ. ಆಲೆಟ್ಟಿ ಗ್ರಾಮದ ಕಾನತೋಟ, ಕಳ್ಗಿ, ತುದಿಯಡ್ಕ, ಗುಡ್ಡೆಮನೆ ಮತ್ತು ಸುಳ್ಯ ಕೇರ್ಪಳ ಭಾಗದಲ್ಲಿ ಆನೆಗಳು ದಾಳಿ ಮಾಡಿವೆ. ಹೀಗಾಗಿ ರೈತರು ಹೆಚ್ಚಿನ ಎಚ್ಚರಿಕೆ ವಹಿಸುವಂತೆ ಸೂಚಿಸಲಾಗಿದೆ.
